அமெரிக்காவில் உயர்கல்வி பயில செல்லும் மாணவர்கள் எண்ணிக்கை 44 சதவீதமாக குறைந்துள்ளது. அமெரிக்கா சென்று படிக்க வேண்டும் என்பது பல இந்திய மாணவர்களின் கனவாக இருந்து வருகிறது. அந்த வகையில், இந்திய மற்றும் சீன மாணவர்கள்தான் அமெரிக்காவின் பன்னாட்டு மாணவர் எண்ணிக்கையில் பெரும்பங்கு வகிக்கின்றனர். அமெரிக்காவில் உள்ள வெளிநாட்டு மாணவர்களில், மூன்றில் ஒருவர் இந்தியர், அய்ந்தில் ஒருவர் சீனர் உள்ளனர்.
சமீபத்தில் 19 நாடுகள் மீது டிரம்ப் நிர்வாகம் விதித்த பயணத் தடையும், வெளிநாட்டு மாணவர்களிடையே ஒருவிதமான பயத்தையும், நிச்சயமற்ற தன்மையையும் உருவாக்கியது. மாணவர் விசா விண்ணப்பங்களை மிகக் கடுமையாகச் சரி பார்ப்பது. அவர்களின் சமூக ஊடகப் பதிவுகளைக் கூட தீவிரமாகக் கண்காணிப்பது, விசா வழங்கும் முறையில் ஏற்படும் தாமதம் உள்ளிட்டவை அமெரிக் காவுக்குப் படிக்கச் செல்லும் இந்திய மாணவர்களின் எண்ணிக்கையை வரலாறு காணாத அளவுக்குச் சரித்தது.
