சென்னை, அக்.20- த.வெ.க.வில் போதைப்பொருள் நெட்வொர்க்கின் அட்டூழியம் அதிகமாகிக்கொண்டே போகிறது என்று எதிர்க்கட்சித் தலைவர் உதயநிதி ஸ்டாலின் விமர்சித்துள்ளார்.
இதுகுறித்து அவர் தனது எக்ஸ் தளத்தில் பதிவிட்டிருப்ப தாவது:
வரலாற்றில் இல்லாத அளவுக்கு 135 கிலோ மெத்தப்பெட்டமைன் போதைப்பொருள் வைத்திருந்ததாக நாகை த.வெ.க. நிர்வாகி பூபாலன் கைதான நிலையில், அது தொடர்பாக செய்தி வெளியிடும் செய்தியாளர்களுக்குக் கொலை மிரட்டல் விடுத்துள்ளார் த.வெ.க.-வின் நாகை நகரச் செயலாளர் பால்ராஜ்.
த.வெ.க.-விலிருந்து பூபாலன் நீக்கப்பட்டதாகக் கூறப்பட்டாலும், கட்சிப்பொறுப்பில் உள்ள இன்னொரு நிர்வாகி, போதைப் பொருள் கடத்திய நபருக்கு வக்காலத்து வாங்குவதும், பத்திரிகை யாளர்களுக்கு கொலை மிரட்டல் விடுவதும் ஏன்?
கட்சியா இல்லை ‘நர்கோஸ்’ கூடாரமா என்று கேட்கும் அளவுக்கு த.வெ.க.வில் போதைப்பொருள் நெட் வொர்க்கின் அட்டூழியம் அதிகமாகிக் கொண்டே போகிறது. இந்த முதலமைச்சரின் ஆட்சியில் அவரது கட்சியிலேயே ‘டிரக் லார்ட்ஸ்’ மற்றும் ‘கார்டெல் மாஃபியா’ சுதந்திரமாகச் சுற்றி வருகிறார்கள்.
ரீல்ஸ் எடுப்பதிலேயே காலத்தைக் கழிக்காமல் கொஞ்சம் ‘ரியாலிட்டி’க்கு வந்து போதைப் பொருள் நடமாட்டத்தையும் – அதைக் கடத்தும் த.வெ.க.வினரையும் முதலமைச்சர் கட்டுப்படுத்த வேண்டும் என்று அவர் அதில் தெரிவித்துள்ளார்.
