திருச்சி, அக்.17- பள்ளிக் கல்வித்துறை சார்பில் நடத்தப்பட்ட 2026-2027ஆம் கல்வி ஆண்டிற்கான பாரதியார் மற்றும் குடியரசு நாள் வருவாய் மாவட்ட அளவிலான விளை யாட்டுப் போட்டிகளில், திருச்சி,பெரியார் நூற்றாண்டு நினைவு மேல்நிலைப் பள்ளியைச் சேர்ந்த 11ஆம் வகுப்பு மாணவி எஸ்.பி. ரிதன்யா தடகளப் போட்டியில் சிறப்பான சாதனை படைத்துள்ளார்.
திருச்சி, அண்ணா விளையாட்டு அரங்கத்தில் நடைபெற்ற இப்போட்டி களில், 19 வயதிற்குட்பட்டோர் பிரிவில் பங்கேற்ற மாணவி ரிதன்யா, உயரம் தாண்டுதல் (High Jump) போட்டியில் 1.40 மீட்டர் உயரம் தாண்டி இரண்டாம் இடம் பிடித்து வெள்ளிப்பதக்கம் வென்று சாதனை படைத்துள்ளார்.
மாவட்ட அளவில் தனது திறமையை நிரூபித்து, பள்ளிக்கும் பெற்றோருக்கும் பெருமை சேர்த்துள்ள இளம் வீராங்கனை ரிதன்யாவிற்கும் அவருக்குப் பயிற்சி வழங்கிய பள்ளியின் உடற்கல்வி ஆசிரியர்கள் கோகுல் மற்றும் சவுமியா ஆகியோருக்கு மாவட்ட முதன்மைக் கல்வி அலுவலர், பள்ளித் தாளாளர், முதல்வர்,ஆசிரியர்கள், மற்றும் அலுவலகப் பணித் தோழர்கள் உள்ளிட்டோர் தங்களது பாராட்டுதல்களையும் வாழ்த்துகளையும் தெரிவித்துள்ளனர்.
