திருவனந்தபுரம், ஜூன் 11 கேரளாவில் ஜூன் 15-ஆம் தேதி முதல் அரசு சாதாரண பேருந்துகளில் பெண்கள் மற்றும் திருநங்கைகள் இலவசமாகப் பயணம் செய்யலாம் என்று அம்மாநில முதலமைச்சர் வி.டி. சதீசன் அறிவித்துள்ளார். இந்தத் திட்டத்திற்கு ‘பிரியதர்ஷினி’ எனப் பெயரிடப்பட்டுள்ளது.
பேருந்துகளில் இலவச பயணம்
திருவனந்தபுரத்தில் நடைபெற்ற அமைச்சரவைக் கூட்டத்திற்குப் பிறகு செய்தியாளர்களிடம் பேசிய முதலமைச்சர் வி.டி. சதீசன் கூறியதாவது:திட்டத்தின் முக்கிய அம்சங்கள்:தகுதி: இந்த இலவசப் பயணத் திட்டத்திற்கு வயது வித்தியாசமோ அல்லது வருமான வரம்போ எதுவும் கிடையாது. பெண்கள் மற்றும் திருநங்கைகள் அனைவரும் இதில் பயனடையலாம்.
முதல்கட்டமாக, குறுகிய தூரத்திற்கு இயக்கப்படும் சாதாரண பேருந்துகளில் மட்டுமே இந்த இலவச பயணம் அனுமதிக்கப்படும். இத்திட்டத்தை மற்ற பேருந்துகளுக்கும் விரிவுபடுத் துவது குறித்து பின்னர் ஆலோசித்து முடிவு எடுக்கப்படும்.
அரசுக்கு ஏற்படும் நிதிச்சுமை
இந்த இலவசப் பயணத் திட்டத்தின் மூலம் கேரள அரசு போக்குவரத்துக் கழகத்திற்கு (KSRTC) கணிசமான நிதி இழப்பு ஏற்படும் என முதலமைச்சர் தெரிவித்தார். அதன் விவரங்கள்:கால அளவு மதிப்பிடப்பட்ட நஷ்டம்மாதத்திற்கு ரூ.65 கோடி முதல்ரூ.75 கோடி வரைவருடத்திற்குசுமார் ரூ.800 கோடி”ஏற்கனவே கேரள அரசு போக்குவரத்துக் கழகத்திற்கு மாநில அரசு சார்பில் ஆண்டிற்கு ரூ.1,500 கோடி நிதி வழங்கப்பட்டு வருகிறது. தற்போது பெண்களுக்கான இலவசப் பயணத் திட்டத்தினால் ஏற்படும் கூடுதல் நஷ்டத்தையும் கேரள அரசே முழுமையாக ஏற்றுக் கொள்ளும்” என்று முதலமைச்சர் வி.டி. சதீசன் உறுதியளித்துள்ளார்.
