சென்னை, மே 31- – உயர் நீதிமன்றங்கள் வழக்கு விசாரணை முடிந்த 3 மாதங்களில் தீர்ப்பு வழங்க வேண்டும் என வழிகாட்டி நெறிமுறை வழங்கி உச்ச நீதிமன்றம் உத்தரவிட்டுள்ளது.
வழக்கு விசாரணைகள் முடிந்த பின்னரும் தீர்ப்பு வழங்குவதில் காலதாமதம் ஏற்படுவதைத் தடுக்கும் வகையில், உச்ச நீதிமன்றத் தலைமை நீதிபதி சூரிய காந்த் தலைமையிலான அமர்வு, அரசியல் சாசன பிரிவு 142 அடிப்படையில் தனி அதிகாரத்தைப் பயன்படுத்தி வழிகாட்டிநெறிமுறை வழங்கிஉத்தரவு ஒன்றை பிறப்பித்து உள்ளது.
அதன்படி, உயர் நீதிமன்றங்கள் வழக்கு விசாரணை முடிந்த 3 மாதங்களில் தீர்ப்பு வழங்க வேண்டும் என உத்தரவிட்டுள்ளது. பிணை வழக்குகளில் விசாரணை முடிந்த மறுநாள் உத்தரவு பிறப்பிக்க வேண்டும், பிணை உத்தரவுகளை உடனுக்குடன் சிறை அதிகாரிகளுக்குத் தெரி விக்க வேண்டும் என்று தெரிவிக் கப்பட்டுள்ளது.
விசாரணை கைதிகள் உத்தரவு பிறப்பித்த அன்று அல்லது மறுநாள் விடுவிக்கப்பட வேண்டும் – என்று தெரிவித்துள்ள உச்ச நீதிமன்றம், தீர்ப்பு விவரங்களை ஒரு வாரத்தில் இணையத்தில் பதிவேற்றம் செய்ய வேண்டும் என்பன உள்பட பல முக்கிய பரிந்துரைகளை வகுத்துள்ளது.
