மருத்துவமனைகளில் ‘நோயாளிகள்’ என்ற சொல்லுக்கு மாற்றாக ‘‘மருத்துவப் பயனாளிகள்’’ என்று அழைக்கலாம்!
திராவிடர் கழகத் தலைவர் ஆசிரியர் கி.வீரமணி 29.7.2025 அன்று கீழ்க்கண்ட கருத்தினை வெளியிட்டார்.
‘‘மருத்துவமனைகளில் ‘நோயாளிகள்’ (Patients) என்று தற்போது புழங்கி வரும் சொல்லுக்கு மாற்றாக,
‘‘மருத்துவப் பயனாளிகள்’’ (MEDICAL BENEFICIARIES) என்ற சொல்லைப் பயன்படுத்தினால், அவர்களிடம் (நோயாளிகளிடம்) உள்ள நம்பிக்கைக் குறைவு சற்று மாற வாய்ப்புண்டு.
முத்தமிழறிஞர் கலைஞர் ஆட்சியில், ‘மாற்றுத் திறனாளிகளாக’ மாற்றி (‘உடல் ஊனமுற்றோர்’ என்பதைத் தவிர்த்து) ஒரு தன்னம்பிக்கையை ஊட்டியதுபோல, தங்களது ‘திராவிட மாடல்’ ஆட்சியில், இது தங்களுக்கு ஏற்கத்தக்கதாக இருந்தால், ஆணை பிறப்பிக்கலாம்’’ என்று கருத்துக் கூறியிருந்தார்.
இதனை ஏற்று முதலமைச்சரின் அறிவுறுத்தல்படி, மக்கள் நல்வாழ்வுத் துறை அரசாணை வெளியிட்டுள்ளது.
