‘கடவுள்’ சக்தி இவ்வளவுதான்! உத்தரகாண்ட்: ஆன்மிகச் சுற்றுலா சென்ற பேருந்து பள்ளத்தாக்கில் கவிழ்ந்து 6 பேர் பலி; 20 பேர் படுகாயம்

1 Min Read
- Advertisement -

டேராடூன், நவ.18  உத்தரகண்ட் மாநிலம் தெஹ்ரி கர்வால் மாவட்டத்தில், ஆன்மிக சுற்றுலாப் பயணிகளை ஏற்றிச் சென்ற தனியார் பேருந்து 100 மீட்டர் ஆழமுள்ள பள்ளத் தாக்கில் கவிழ்ந்து விபத்துக்குள்ளானதில்
6 பேர் பரிதாபமாக உயிரிழந்தனர். மேலும் 20-க்கும் மேற்பட்டோர் படுகாயமடைந்துள்ளனர்.

தனியார் பேருந்து ஒன்றில் சுமார் 35 பயணிகள் ஆன்மிகப் பயணம் மேற்கொண்டிருந்தனர். பேருந்து தெஹ்ரி கர்வால் மாவட்ட மலைப்பாதையில் சென்று கொண்டிருந்தபோது, எதிர்பாராதவிதமாக ஓட்டுநரின் கட்டுப்பாட்டை இழந்து சுமார் 100 மீட்டர் ஆழமுள்ள பள்ளத்தாக்கில் கவிழ்ந்து விபத்துக்குள்ளானது.

இந்தக் கோர விபத்தில் 6 பயணிகள் நிகழ்வு இடத்திலேயே உயிரிழந்ததாகக் காவல்துறையினர் தெரிவித்துள்ளனர். விபத்து குறித்த தகவல் கிடைத்தவுடன் காவல்துறையினர் மற்றும் மீட்புக் குழுவினர் நிகழ்வு இடத்திற்கு விரைந்து சென்று, பள்ளத்தாக்கில் சிக்கியிருந்த பயணிகளை மீட்கும் பணியில் தீவிரமாக ஈடுபட்டனர்

இதில் காயமடைந்த சுமார் 20 பேர் மீட்கப்பட்டு, ஆம் புலன்ஸ்கள் மூலம் அருகிலுள்ள மருத்துவ மனைகளுக்குச் சிகிச்சைக்காக அனுப்பி வைக்கப் பட்டுள்ளனர். ஆன்மிகப் பயணம் மேற்கொண் டவர்கள் விபத்தில் சிக்கி உயிரிழந்த நிகழ்வு அப்பகுதியில் பெரும் சோகத்தை ஏற்படுத்தியுள்ளது.

விடுதலை வளர்ச்சிக்கு உரமிடுங்கள்..

அன்பார்ந்த தோழர்களே, தந்தை பெரியார் அவர்களால் தொடங்கப்பட்டு, திராவிட இயக்கத்தின் முதன்மைக் குரலாக, உலகின் முதல் மற்றும் ஒரே பகுத்தறிவு நாளேடாக திகழ்ந்து வருகிறது "விடுதலை" நாளேடு.

"விடுதலை" என்பது ஒரு நாளேடு மட்டுமல்ல; இது ஒரு இயக்கம். விடுதலை தன் பணியைத் தொய்வு இன்றித் தொடர, உங்கள் பொருளாதார பங்களிப்பு மிகத் தேவை. பெரியார் தொடங்கி வளர்த்த விடுதலையை உரமிட்டு இன்னும் வளர்க்க வேண்டிய கடமை நமக்கு இருக்கிறது. உங்கள் நன்கொடை அந்த வளர்ச்சிக்கு உதவும்.

தொகை எவ்வளவு என்பது முக்கியமல்ல! உங்கள் பங்களிப்பே முக்கியம்! நீங்கள் தரும் ஒவ்வொரு ரூபாயும் சமூகநீதிச் சுடரை ஒளிர வைக்கும். நன்றி!

இணையம்வழி விடுதலை வளர்ச்சி நிதி தந்தவர்கள் பட்டியல் காண  

Leave a Comment

Leave a Reply

Your email address will not be published. Required fields are marked *