தேனி மாவட்டம் தேவாரம் பகுதியைச் சேர்ந்த லாரி ஓட்டுனர் பாலகிருஷ்ணன் என்பவர் செக்கானூரணி காவல் நிலையத்தில் புகார் அளித்துச் சென்றவர், பின்னர் விசாரணைக்காக அழைக்கப்பட்டு அங்கேயே தூக்கிட்டுத் தற்கொலை செய்து கொண்டதாக வந்த செய்தி அதிர்ச்சி அளிக்கிறது.
காவல் நிலையத்துக்குள்ளேயே மரணம் (Lockup Death, சிறைச்சாலைக்குள் சந்தேக மரணம் (Custodial Death) என்பவை எல்லாம் அடிக்கடி நடைபெறுகின்றன. மக்களின் பாதுகாப்புக்கும், உயிருக்கும் காவல்நிலையங்களே அச்சுறுத்தலாவதா? மனித உரிமை என்னாயிற்று?
நடந்த கொடுமைக்கு நீதி கேட்டுப் போராடிய குடும்பத்தவரை, உறவினர்களைக் கைது செய்வது அதைவிடக் கொடுமையல்லவா? உடனடியாக அவர்களை விடுதலை செய்வதுடன், யாரையும் காப்பாற்றும் நோக்கமில்லாமல், முறையான விசாரணை நடைபெற வேண்டும். தமிழ்நாடு அரசும், முதலமைச்சரும் இத்தகு கொடுமைகளுக்கு தீர்க்கமான முற்றுப்புள்ளி வைக்க வேண்டும்.
கி.வீரமணி
தலைவர்,
திராவிடர் கழகம்
சென்ைன
16.11.2026
