ஜவஹர்லால் நேரு பல்கலைக்கழகத்தில் இந்த ஆண்டு அறிவிக்கப்பட்டுள்ள 711 வழக்கமான பிஎச்டி இடங்களுக்கான விண்ணப்ப அறிவிப்பில், இட ஒதுக்கீட்டுக் கொள்கை மீறப்பட்டுள்ளதாகக் குற்றச்சாட்டு எழுந்துள்ளது. பழங்குடியின விண்ணப்பதாரர்களுக்கான 7.5 சதவீத இட ஒதுக்கீட்டு விதியின்படி, அவர்களுக்காகக் குறைந்தது 53 இடங்கள் ஒதுக்கப்பட்டிருக்க வேண்டும். ஆனால், 2026–2027-ஆம் கல்வி ஆண்டிற்கான பிஎச்.டி சேர்க்கை அறிவிப்பில் 38 இடங்கள் மட்டுமே அறிவிக்கப்பட்டுள்ளன; இது சுமார் 15 இடங்கள் குறைவாகும்.
அதேபோல், பட்டியல் ஜாதியினருக்கான 15 சதவீத இட ஒதுக்கீட்டு விதியின்படி சுமார் 107 இடங்கள் ஒதுக்கப்பட்டிருக்க வேண்டிய நிலையில், இந்த அறிவிப்பில் 103 இடங்கள் மட்டுமே ஒதுக்கப்பட்டுள்ளன. மாற்றுத் திறனாளிகளுக்குக் குறைந்தபட்சம் 36 இடங்கள் ஒதுக்கப்பட வேண்டிய சூழலில், இந்த அறிவிப்பில் 17 இடங்கள் மட்டுமே ஒதுக்கப்பட்டிருப்பதாக மாணவர் அமைப்புகள் குற்றம் சாட்டியுள்ளன.
இந்த விதிமீறல்கள் தொடர்பாக, தேசியப் பழங்குடியினர் ஆணையத்திடமும், தேசிய பட்டியல் ஜாதியினர் ஆணையத்திடமும் இந்திய மாணவர் சங்கம் தனித்தனியாகப் புகார் அளித்துள்ளது.
