பெங்களூரு, அக். 16- கருநாடக மாநிலத் தமிழ் பத்திரிகையாளர் சங்கத் தலைவரும், மேனாள் செங்கம் தொகுதி சட்டமன்ற உறுப்பினர் நன்னனின் மகனுமான முத்துமணி நன்னன் அவரின் கண் நலம் பெற அறுவை சிகிச்சை பெற்று பெங்களூரு மாகடி சாலையிலுள்ள இல்லத்தில் ஓய்வு பெற்று வருகின்றார். 8.10.2026 அன்று காலை 11 மணிக்கு கருநாடக மாநில திராவிடர் கழகத் தலைவர் சே.குணவேந்தன், செயலாளர் இரா.முல்லைக்கோ, பெங்களூரு தமிழ்ச் சங்க மேனாள் தலைவர் தி.கோ.தாமோதரன் ஆகியோர் நலம் விசாரித்தனர்.
முத்துமணியின் இணையர் முனைவர் கல்யாணியின் தாயார் கங்கா அம்மையார் அவர்களின் 86ஆம் பிறந்த நாள் விழாவின் ஏற் பாடுகள் நடைபெற்ற வேளையில் அம்மையார் அவர்களுக்கு பிறந்த நாள் வாழ்த்துகளைக் கூறினர். கங்கா அம்மையாரின் இணையர் காரைக்குடி கவிஞர் கவிதரனும், அவரது பேரன் கவி நன்னனும் உடனிருந்தனர். முத்துமணி தந்தையார் நன்னனைப் போலவே கவிதரன் மாடர்ன் தியேட்டர்ஸ் நிறுவனத்தில் நான்கு திரைப்படங்களுக்கு பாடல்கள் இயற்றி திரைப் பணிகளில் தந்தை பெரியார் கருத்துகளை தாங்கிய பாடல்களாகவும் அக்காலத்தில் இயற்றி சிறப்புப் பெற்றவர். முத்துமணியின் இல்லத்தினர் கல்விப் பணி மற்றும் களப் பணியில் சிறந்துள்ளனர் என்பது குறிப்பிடத்தக்காகும்.
