திருச்சி, அக்.15- திருச்சி,பெரியார் நூற்றாண்டு நினைவு மெட்ரிக் மேல்நிலைப் பள்ளியின் சமூக அறிவியல் ஆசிரியர் பா.பாபி பிரசன்னாவுக்கு, கல்வித் துறைக்கு அவர் ஆற்றிவரும் முன்மாதிரியான மற்றும் சிறப்பான சேவையைப் பாராட்டி மதிப்புமிக்க ‘நவரத்னா கல்விச்செம்மல் விருது – 2026’ வழங்கிச் சிறப்பிக்கப்பட்டுள்ளது.
திண்டுக்கல் மாவட்டம் சின்னாள பட்டியைச் சேர்ந்த பசுமை வாசல் பவுண்டேஷன் சார்பில் ஆசிரியர் நாளை முன்னிட்டு இந்நிகழ்வு நடத்தப்பட்டது.
கல்வி வளர்ச்சிக்கும் மாணவர் களின் அறிவுசார் வளர்ச்சிக்கும் அர்ப்பணிப்புடன் பங்காற்றிவரும் சிறந்த ஆசிரியர்களை மரியாதை செய்யும் வகையில் இந்த விருது வழங்கப்பட்டுள்ளது.
ஆசிரியர் பா.பாபி பிரசன்னாவுக்கு ‘நவரத்னா கல்விச்செம்மல் விருது – 2026’ வழங்கப்பட்டதையொட்டி, பெரியார் நூற்றாண்டு நினைவு மெட்ரிக் மேல்நிலைப் பள்ளியின் தாளாளர், முதல்வர், ஆசிரியப் பெருமக்கள் மற்றும் மாணவச் செல்வங்கள் தங்கள் உளமார்ந்த வாழ்த்துகளைத் தெரிவித்துக் கொண்டனர்.
