மதுரை, அக்.15 சுற்றுச்சூழல் பாதுகாப்பிற்காக மாசு ஏற்படுத்தாத வகையில் முதல் மென்பொருள் வரையறுக்கப்பட்ட முழு மின்சார சிறப்பு முதன்மை எஸ்.யு.வி. மாடலான இ.எக்ஸ் 90 என்ற வாகனத்தை வோல்வோ கார் இந்தியா நிறுவனம் தயாரித்து அறிமுகப்படுத்துகிறது.
இந்திய வாகன சந்தையில் சுவீடன் நாட்டைச் சேர்ந்த கார் தயாரிப்பு நிறுவனமாகிய வோல்வோ அறிமுகப்படுத்தும் முதல் மென்பொருள் வரையறுக்கப்பட்ட வாகனம் இதுவாகும். இந்த வாகனம் பயணிகளின் பாதுகாப்பை மய்யமாகக் கொண்டு வடிவமைக்கப்பட்டுள்ளது. எஸ்.யு.வி.யில் அய்ந்து கேமராக்கள், அய்ந்து ரேடார்கள் மற்றும் 12 அல்ட்ராசோனிக் சென்சார்கள் இடம் பெற்றுள்ளன. இதில் 3டி காட்சியுடன் கூடிய 360 டிகிரி கேமரா, பைலட் அசிஸ்ட், அடாப்டிவ் க்ரூஸ்கன்ட் ரோல், பயணிகளின் இருப்பைக் கண்டறியும் தொழில் நுட்பம் மற்றும் சாலையில் செல்லும்போது மோதலைத் தவிர்க்கும் அமைப்புகள் ஆகியவை பயணிகளையும், பாதசாரிகளையும் பாதுகாக்க உதவுகின்றன என இந்நிறுவனத்தின் இந்தியாவின் நிர்வாக இயக்குநர் ஜோதி மல்ேஹாத்ரா தெரிவித்துள்ளார்.
