லூதியானா, அக்.14 பஞ்சாப் மாநிலம் லூதியானாவில் எஸ் அய் ஆர் முறையில் வாக்காளர் பட்டியல் தயாரிப்பில் ஏற்பட்ட ஒரு குளறுபடி பெரும் அரசியல் சர்ச்சையையும் விவாதத்தையும் ஏற்படுத்தியுள்ளது. சுதந்திரப் போராட்ட வீரர் ஷஹீத் பகத்சிங்கின் ஒளிப்படம் ஒரு சாதாரண வாக்காளரின் பெயருக்கு எதிராக இடம்பெற்றது சமூக வலைத்தளங்களில் வைரலாகியது.
லூதியானா கிழக்கு சட்டமன்றத் தொகுதியின் 38ஆவது பகுதியின் 422ஆம் வரிசை எண்ணில் உள்ள வாக்காளரின் பெயருக்கு எதிராக பகத்சிங்கின் படம் இடம் பெற்றுள் ளதை பஞ்சாப் பிரதேச காங்கிரஸ் கமிட்டி தலைவர் அமரீந்தர் சிங் ராஜா வாரிங் தனது சமூக வலைத்தளப் பக்கத்தில் சுட்டிக்காட்டினார்.
இந்த சர்ச்சை குறித்து விளக்கம் அளித்த லூதியானா மாவட்ட தேர்தல் அதிகாரி, முந்தைய வாக்காளர் பட்டியலில் இருந்த அதே தவறான ஒளிப்படம் ஆகஸ்ட் 13, 2026 அன்று வெளியிடப்பட்ட வரைவுப் பட்டியலிலும் தொடர்ந்ததே இதற்குக் காரணம் என்று தெரிவித்தார். சிறப்பு தீவிர திருத்த சரிபார்ப்புப் பணியின் போது இந்தத் தவறு உடனடியாகக் கண்டறியப்பட்டு சரிசெய்யப்பட்டுள்ளதாக நிர்வாகம் தரப்பில் தெரிவிக்கப்பட்டது.
இப்பகுதியில் வாக்காளர் பட்டியல்கள் மற்றும் தேர்தல் தரவு ஒருமைப்பாடு குறித்து எதிர்க்கட்சிகள் தொடர்ந்து எழுப்பி வரும் குற்றச்சாட்டுகளுக்கு மத்தியில், இந்த நிகழ்வு பொதுமக்கள் மத்தியில் அதிக கவனத்தை ஈர்த்துள்ளது. தேர்தல் ஆணையத்தின் தரவுப் பராமரிப்பு முறைகள் குறித்து பலரும் கேள்விகளை எழுப்பி வருகின்றனர்.
நாடு முழுவதும் தேர்தல் ஆணையத்தின் முறைகேடுகளுக்கு எதிரான கடுமையான போராட்டம் நடந்து வரும் நிலையில் தேர்தல் ஆணையம் எதையும் க்ண்டுகொள் ளாமல் தனது குளறுபடிகளை சரிசெய்யாமல் தவறான வாக்காளர் பட்டியலையே மீண்டும் வெளியிட்டு வருகிறது.
இதன் மூலம் தேர்தல் ஆணையத் திற்கு மக்களின் கோரிக்கைகள் எதுவுமே காதில் விழவில்லை என்பது உறுதியாகிறது.
