டெக்கான் கிரானிக்கல், சென்னை:
* டில்லியில் இருந்து உச்சநீதிமன்றம் நோக்கி இந்தியா கூட்டணித் தலைவர்கள் பேரணி! தேர்தல் ஆணையர் ஞானேஷ் குமாரை பதவி விலகக் கோரி, ராகுல் காந்தி உள்ளிட்ட இந்தியா கூட்டணித் தலைவர்கள் போராட்டத்தை தீவிரப்படுத்தி, உச்சநீதிமன்றத்தை அணுகப் போவதாக அறிவித்துள்ளனர்.
* டில்லியில் ‘அவசரநிலையைப் போன்ற சூழல்’ – பத்திரிகையாளர்கள் கைது! தேர்தல் ஆணையருக்கு எதிரான போராட்டத்தில் பங்கேற்ற தலைவர்கள், பத்திரிகையாளர்கள் உள்ளிட்டோர் காவல்துறையினரால் தடுத்து வைக்கப்பட்டதற்கு ஊடக அமைப்புகள் கண்டனம் தெரிவித்துள்ளன; போராட்டம் நாடு முழுவதும் தொடரும் என அறிவிக்கப்பட்டுள்ளது.
டெக்கான் கிரானிக்கல், அய்தராபாத்:
* டில்லியில் போராட்டம் தொடரும்: தலைமைத் தேர்தல் ஆணையருக்கு எதிராக ‘ஜந்தர் மந்தர் 2.0’ போராட்டம்! தலைமைத் தேர்தல் ஆணையர் ஞானேஷ் குமார் பதவி விலகக் கோரி நடைபெற்ற போராட்டத்தில் 200-க்கும் மேற்பட்டோர் கைது செய்யப்பட்டனர்; மார்க்சிஸ்ட் கம்யூனிஸ்ட் கட்சி எம்.பி. ஜான் பிரிட்டாஸ் தாக்கப்பட்டதாக குற்றச்சாட்டு.
* போராடும் உரிமையைப் பாதுகாத்த உச்சநீதிமன்றம் – பத்திரிகையாளர்கள் கைது; காவல்துறைக்கு கண்டனம்! அமைதியான போராட்டத்தில் ஈடுபடுவோரை கைது செய்யக் கூடாது என்றும், பத்திரிகையாளர்கள் தங்கள் பணியைச் செய்ய தலையிடக் கூடாது என்றும் உச்சநீதிமன்றம் உத்தரவிட்டும், டில்லியில் பத்திரிகையாளர்கள் உள்ளிட்டோர் தடுத்து வைக்கப்பட்டதாக குற்றச்சாட்டு எழுந்துள்ளது.
நியூ இந்தியன் எக்ஸ்பிரஸ்:
* ஆந்திர அமைச்சரவை: பிற்படுத்தப்பட்டோர் இடஒதுக்கீடு இறுதி செய்யப்பட்டது! ஆர்.ஆர். மிஸ்ரா குழு அறிக்கையின் அடிப்படையில், உள்ளாட்சிகளில் பிற்படுத்தப்பட்டோர் இடஒதுக்கீடு 23.08% முதல் 27.95% வரை நிர்ணயிக்கப்பட்டுள்ளது; மொத்த இடஒதுக்கீடு 50% உச்சவரம்புக்குள் வைக்கப்பட்டுள்ளது என ஆந்திர அரசு தெரிவித்துள்ளது.
தி இந்து:
* சட்டவிரோதக் கைதுகளை நிறுத்துக – உச்சநீதிமன்றம் உத்தரவு! டெல்லியில் போராட்டக்காரர்கள் மீதான காவல்துறை நடவடிக்கைகளுக்கு மத்தியில், சட்டம் மற்றும் பொது ஒழுங்குக்கு உட்பட்டு மக்கள் சுதந்திரமாக செல்ல மத்திய அரசும் டில்லி காவல்துறையும் உறுதி செய்ய வேண்டும் என உச்சநீதிமன்றம் அறிவுறுத்தியுள்ளது.
தி டெலிகிராப்:
* போராட்டக்காரர்கள் மீது வன்முறை: ஹிந்து ரக்ஷா தளம் பொறுப்பேற்பு; பத்திரிகையாளர்கள், எம்.பி.க்கள் தடுத்து வைப்பு! டில்லியில் காவி உடை அணிந்தவர்கள் போராட்டக்காரர்களை தாக்கும் காணொலிகள் பரவிய நிலையில், தாக்குதல்களுக்கு தாங்களே பொறுப்பு என ஹிந்து ரக்ஷா தளம் கூறியுள்ளது; காவல்துறையின் நடவடிக்கைகள் கடும் விமர்சனத்துக்கு உள்ளாகி உள்ளன.
– குடந்தை கருணா
