சென்னை, அக். 02- தெருக்கள், சாலைகளில் இடம்பெற்றுள்ள ஜாதிப் பெயர்களை நீக்குவது தொடர்பாக தாமாக முன்வந்து விசாரணைக்கு எடுத்த வழக்கில், தமிழ்நாடு அரசு பதிலளிக்க சென்னை உயர் நீதிமன்றம் உத்தரவிட்டுள்ளது.
பிணை கோரிய ஒரு மனுவுடன் தாக்கல் செய்யப்பட்டிருந்த முதல் தகவல் அறிக்கையை ஜாதிப் பெயருடன் தெரு பெயர் குறிப்பிடப்பட்டிருந்ததை, சுட்டிக்காட்டிய நீதிபதி என்.ரமேஷ், ‘தெருக்கள், சாலைகளில் இடம்பெற்றுள்ள ஜாதிப் பெயர்களை நீக்க வேண்டும் என்று அரசு மற்றும் உயர் நீதிமன்றம் உத்தரவுகள் பிறப்பித்தும் தெருக்களின் பெயரில் ஜாதிப் பெயர்கள் இன்னும் இடம்பெற்றுள்ளது.
தெரு பெயர்களில் உள்ள ஜாதிப் பெயர்களை நீக்குவது தொடர்பாக தாமாக முன்வந்து வழக்கை விசாரணைக்கு எடுக்க வேண்டும்’ என்று உயர் நீதிமன்ற பதிவுத்துறைக்கு உத்தரவிட்டிருந்தார்.
இந்த உத்தரவின் அடிப்படையில், சென்னை உயர் நீதிமன்றம் தாமாக முன் வந்து வழக்கை விசாரணைக்கு எடுத்தது.
இந்த வழக்கு தலைமை நீதிபதி தர்மா திகாரி மற்றும் நீதிபதி ஜி.அருள்முருகன் அடங்கிய அமர்வில் விசாரணைக்கு வந்தபோது, தெருக்கள், சாலைகளின் பெயர்களில் இடம்பெற்றுள்ள ஜாதிப் பெயர்களை நீக்கி பிறப்பிக்கப்பட்ட அரசாணைக்கு எதிரான வழக்கு உயர் நீதிமன்ற மதுரை அமர்வு தள்ளுபடி செய் துள்ளதாக அரசுத் தரப்பில் தெரிவிக்கப்பட்டது.
இதையடுத்து, இந்த வழக்கு தொடர் பாக பதில் மனு தாக்கல் செய்யும்படி தமிழ்நாடு அரசுக்கு உத்தரவிட்ட நீதிபதிகள், விசாரணையை நவம்பர் 6-ஆம் தேதிக்கு தள்ளிவைத்தனர்.
