சென்னை, அக்.1 முதலமைச்சர் விஜய் தலைமையிலான, த.வெ.க., அரசின் முதல் சட்டமன்றக் கூட்டத்தொடரில், சட்டமன்ற உறுப்பினர்கள் எழுப்பிய கேள்விகளில், 15 சதவீதத்துக்கு மட்டும், அரசிடமிருந்து பதில் வந்திருப்பதாக தகவல் வெளியாகி உள்ளது.
த.வெ.க., கூட்டணி அரசு பொறுப் பேற்ற பின், முதல் பட்ஜெட் கடந்த ஆகஸ்ட், 5ஆம் தேதி சட்டமன்றத்தில் தாக்கல் செய்யப்பட்டது.
திட்ட அறிக்கை
அதன்பின், 28 நாள்கள் நடந்த சட்டமன்றக் கூட்டத் தொடரில், முதல மைச்சரின் 17 அறிவிப்புகள், 51 துறைகள் சார்பாக 1,117 அறிவிப்புகள் வெளி யிடப்பட்டன. அதேபோல, கூட்டத் தொடர் நடந்த காலக் கட்டத்தில், 14,399 கேள்விகளை உறுப்பினர்கள் எழுப்பி இருந்தனர்.
இதில், பெரும்பாலான கேள்விகளுக்கு, இன்னும் பதில் வரவில்லை என்று கூறப் படுகிறது. இது தொடர்பாக, சட்டசபை அதிகாரிகள் கூறியதாவது:
சட்டமன்றத்தில் 170 சட்டமன்ற உறுப்பினர்களிடமிருந்து, மொத்தமாக, 14,399 கேள்விகள் வந்தாலும், அவை ஆய்வுக்கு உட்படுத்தப்பட்டதில், 12,733 கேள்விகள் தான் அனுமதிக்கப்பட்டன. 1,666 கேள்விகள் அனுமதிக்கப்படவில்லை. அனுமதிக்கப்பட்ட கேள்விகளிலும், 3,455 கேள்விகள் தான் முக்கியமான கேள்விகளாக கருதப்பட்டன. அத்துடன், சட்டமன்றத்தில் எழுப்பப்பட்ட கேள்விகள், சம்பந்தப்பட்ட துறைகளுக்கு அனுப்பப்பட்டன. ஆனால், பட்ஜெட் கூட்டத்தொடர் முடிந்து, புதிய அறிவிப்பு களுக்கான திட்ட அறிக்கை தயார் செய்வ தில், அனைத்து துறைகளும் ஈடுபட்டு வருகின்றன. இதனால், அனுமதிக்கப்பட்ட, 12,733 கேள்விகளில், வெறும் 1,800, அதாவது, 15 சதவீத கேள்விகளுக்கு தான் பதில் கொடுக்கப்பட்டுள்ளன.
குறிப்பாக, தங்களின் தொகுதிக்கு சாலை அமைக்கப்படுமா? மருத்து வமனை அமைக்கப் படுமா என்பது போன்ற கேள்விகள் தான் அதிகம் கேட்கப் பட்டுள்ளன. இதற்கு, விரிவான ஆய்வுக்கு பின் தான் பதில் கொடுக்க முடியும் என்பதால், துறையில் இருந்து பதில் வர தாமதமாவது இயல்பு தான். இருப்பினும், விரைவாக பதில் கொடுக்க, துறை சார்ந்த அதிகாரிகளுக்கு அறிவுறுத்தப்பட்டுள்ளது.
இவ்வாறு அவர்கள் கூறினர்.
