புதுடில்லி, செப்.7- பீகாரில் நீட் வினாத்தாள் கசிவு, தேர்வு முறைகேடு மற்றும் வேலைவாய்ப்பு கோரி எதிர்க்கட்சிகள் ஆதரவுடன் கடந்த ஜூலை 25-ஆம் தேதி பந்த் நடைபெற்றது.
சிவான் மாவட்டத்தில் நடந்த போராட்டத்தின்போது, காவல் துறையினர் நடத்திய துப் பாக்கிச்சூட்டில் காயமடைந்த மாணவர்கள், கடந்த வியாழக் கிழமை (3.9.2026) டில்லி சென்று மக்களவை எதிர்க்கட்சித் தலைவர் ராகுல் காந்தியை அவரது இல்லத் தில் சந்தித்துப் பேசினர். அப்போது அவர்களுக்கு நேர்ந்த அநீதி குறித்து கேட்டறிந்ததுடன், அவர்களுக்கு ஆறுதல் கூறினார்.
இந்நிலையில், இது தொடர்பான படங்கள் மற்றும் காட்சிப் பதிவை தனது சமூக வலைதளத்தில் ராகுல் பகிர்ந்துள்ளார். இதனுடன் வெளியிட்ட பதிவில், “காவல் துறையினர் ஏகே-47 துப்பாக்கியால் சுட்டதில், ஒரு மாணவரின் கால் எலும்பு முறிந்து அவரது ராணுவக் கனவு பாழானது. மற்ற இரு மாணவர் களின் தோள்களில் தோட்டாக்கள் பாய்ந்தன. தங்களின் எதிர்காலமே சீரழிந்துவிட்டதாக அம்மாணவர்கள் கண்ணீருடன் தெரிவித்தனர்.
அவர்களின் உளவியல் அதிர்ச் சிக்கும் நொறுங்கிய கனவுகளுக்கும் பிரதமர் நரேந்திர மோடியும், பீகார் முதலமைச்சர் சாம்ராட் சவுத்ரியும் பதில் சொல்வார்களா?” எனக் கேள்வி எழுப்பினார். நியாயமான கோரிக்கைகளைக் கேட்கும் மாண வர்கள் மீது “லத்தியும் தோட்டாவும்” பயன்படுத்தியதற்குக் கண்டனம் தெரிவித்து, சுயாதீன விசாரணை நடத்தவும் வலியுறுத்தியுள்ளார்.
