லக்னோ, ஆக.29 உத்தரப் பிரதேச மாநிலம் பிரயாக்ராஜ் மாவட்டத்தில் பெருக்கெடுத்து ஓடிய ‘புனித’ நதிகள் எனப்படும் கங்கை மற்றும் யமுனை யின் நீர்மட்டம் தற்போது குறையத் தொடங்கியுள்ள நிலையில், ஆற்று நீரில் ஆபத்தான கிருமிகள் அதிகரித்துள்ள தால் பொதுமக்கள் யாரும் அந்நீரைப் பயன்படுத்த வேண்டாம் என்று மாவட்ட நிர்வாகம் தண்டோரா மூலம் எச்சரிக்கை விடுத்துள்ளது.
மாவட்ட ஆட்சித் தலைவர் மணிஷ்குமார்
இது குறித்து அலகாபாத் (பிரயாக்ராஜ்) மாவட்ட ஆட்சித் தலைவர் மணிஷ் குமார் வர்மா தெரிவித்துள்ளதாவது:
‘‘சங்கமப் பகுதி மற்றும் அதனைச் சுற்றியுள்ள கிராமங்களில் வெள்ள நீர் படிப்படியாக வடியத் தொடங்கியுள்ளது. கங்கை நதியின் நீர்மட்டம் குறைந்து வருவதைத் தொடர்ந்து, வெள்ளத்தில் மூழ்கியிருந்த சாலைகளில் போர்க்கால அடிப்படையில் தூய்மைப் பணிகள் மேற்கொள்ளப்பட்டு வருகின்றன.
அதேவேளையில், நீர்மட்டம் குறைந்ததால் நீரோட்டத்தில் கழிவுகளும் கிருமிகளும் பல்கிப் பெருகத் தொடங்கி விட்டன. இதனால் நிலத்தடி நீரும் கடுமையாகப் பாதிக்கப்பட்டு வருகிறது. நிலைமையை நிர்வாகம் தொடர்ந்து தீவிரமாகக் கண்காணித்து வருகிறது’’ என்று தெரிவித்துள்ளார்.
பாதிக்கப்பட்ட கிராமங்களில் பஞ்சாயத்து ராஜ் மற்றும் சுகாதாரத் துறையின் கூட்டுக் குழுக்கள் மூலம் தூய்மைப் பணிகளும், கிருமி நாசினி தெளிக்கும் பணிகளும் தீவிரப்படுத்தப்பட்டுள்ளன.
மருத்துவக் குழுக்கள்!
பொதுமக்கள் வசிக்கும் பகுதிகளுக்கு நேரடியாக மருத்துவக் குழுக்கள் அனுப்பப்பட்டு, சிறப்பு மருத்துவ முகாம்கள் மூலம் பரிசோதனைகளும், சிகிச்சைகளும் வழங்கப்பட்டு வரு கின்றன.
தண்டோரா மூலம்
மக்களுக்கு விழிப்புணர்வு!
பாவங்களைப் போக்கும் ‘புனித’ நதிகளாகக் கருதப்படும் கங்கையிலும் யமுனையிலும் பாக்டீரியா மற்றும் கிருமிகளின் தாக்கம் அதிகரித்துள்ளதால், முன்னெச்சரிக்கையாக ஆற்றின் நீரைப் பயன்படுத்த வேண்டாம் எனத் தண்டோரா மூலம் மக்களுக்கு விழிப்பு ணர்வு ஏற்படுத்தப்பட்டு வருகிறது.
