சென்னை, மே 6 தி.மு.க. தலைவர் மு.க.ஸ்டாலின், தோல்வியை கண்டு துவண்டு விடுபவர் கிடையாது என்றும், தி.மு.க.விற்கும், மு.க.ஸ்டாலினுக்கும் தனது ஆதரவு இன்னும் வலுவாக இருக்கும் என்றும் நடிகர் சத்யராஜ் தெரி வித்துள்ளார்.
நடிகர் சத்யராஜ் வெளியிட்டுள்ள காணொலியில்,
கடந்த 5 ஆண்டுகளில் டில்லிக்கு அஞ்சாமல் தமிழ்நாட்டிற்கு பல வளர்ச்சித் திட்டங்களை கொண்டு வந்தவர் முதலமைச்சர் மு.க.ஸ்டாலின் என்று தெரிவித்துள்ளார். இந்திய ஒன்றியத்தில் தமிழ்நாட்டை முதன்மை மாநிலமாக மாற்றியவர் மு.க.ஸ்டாலின் என்றும் அவருக்கு மனமார்ந்த நன்றிகள் என்றும் சத்யராஜ் குறிப்பிட்டுள்ளார்.
ஆதரவு இன்னும் வலுவாக இருக்கும்
இனி வரும் காலங்களிலும், தி.மு.க. விற்கும், தி.மு.க. தலைவர் மு.க.ஸ்டாலின் அவர்களுக்கும் தனது ஆதரவு இன்னும் வலுவாக இருக்கும் என்றும் சத்யராஜ் தெரிவித்துள்ளார்.
