முதல் நாளிலேயே இப்படியா?

மக்களவைத் தலைவராகத் தேர்வு செய்யப்பட்ட முதல் நாளிலேயே குழப்பமோ குழப்பம். நெருக்கடி நிலை அமலாக்கப்பட்டதைக் கண்டித்து தீர்மானம் ஒன்றை மக்களவைத் தலைவர் படித்தார். எதிர்க்கட்சி உறுப்பினர்கள் அதனை எதிர்த்துக் கடுமையாக குரல் கொடுத்தனர். கூச்சல் குழப்பத்திற்கு இடையே மக்களவைத் தலைவர் தீர்மானத்தை வாசித்து முடித்தார். அதை ஆதரித்து பிரதமர் மோடி பேசினார். பின்னர் உறுப்பினர்கள் எழுந்து நின்று ஒரு நிமிடம் மவுனம் காத்தனர். அதைத் தொடர்ந்து அவை நாள் முழுதும் ஒத்தி வைக்கப்பட்டது.