சென்னை, அக். 15- தமிழ்நாடு சுகாதாரத் துறை அமைச்சர் அருண்ராஜ் நேற்று (14.10.2026) செய்தியாளர்களிடம் கூறியதாவது: தமிழ்நாட்டில் கடந்த ஆண்டு டெங்கு காய்ச்சலால் 25,585 பேர் பாதிக்கப்பட்டனர்.
இந்த ஆண்டு இதுவரை 23,241 பேர் டெங்கு பாதிப்புக்கு ஆளாகியுள்ளனர். சென்னையில் அக்டோபர் 13-ஆம் தேதி 118 பேர் டெங்குவால் பாதிக்கப்பட்டுள்ளனர்.
தமிழ்நாட்டில் டெங்கு காய்ச்சல் கட்டுக்குள் உள்ளது. டெங்குவை கட்டுப்படுத்த தேவையான அனைத்து நடவடிக்கைகளையும் அரசு எடுத்து வருகிறது. மாநகராட்சி மருத்துவமனைகள், அரசு ஆரம்ப சுகாதார மருத்துவமனைகளில் மருத்துவர்கள் போதிய அளவில் உள்ளனர் என்றார் அவர்.
