சென்னை, செப். 7- ஒருங்கிணைந்த குரூப்-2 மற்றும் குரூப்-2 ஏ தேர்வுக்கான அறிவிப்பை டிஎன்பிஎஸ்சி கடந்த ஆகஸ்ட் 11ஆம் தேதி அன்று வெளியிட்டது.
அதன்படி, குரூப்-2 பதவிகளில் 41 காலியிடங்கள், குரூப்-2 ஏ பதவிகளில் 780 இடங்கள் மொத்தம் 821 காலியிடங்கள் இடம்பெற்றுள்ளன. தேர்வுக்கான இணைய வழி விண்ணப்பப் பதிவு வருகிற 9.9.2026 முடிவடைகிறது.
பட்டதாரிகளும், முதுகலை பட்டதாரிகளும் போட்டிப்போட்டு விண்ணப்பித்து வருகின்றனர்.
இதற்கிடையே, குரூப்-2, 2-ஏ தேர்வில் புதிய பணியிடங்கள் சேர்க்கப் பட்டுள்ளன. அதோடு காலியிடங்களின் எண்ணிக்கையும் உயர்த்தப் பட்டுள்ளது.
குரூப்-2 ஏ தேர்வில் தமிழ்நாடு தலைமைச் செயலக உதவியாளர் (நிதிப்பிரிவு) காலியிடங் களின் எண்ணிக்கை 7-லிருந்து 17 ஆக அதிகரிக்கப்படுகிறது. மேலும், குரூப்-2 தேர்வில் குழந்தைகள் நலன் மற்றும் சிறப்பு பணிகள் துறை நன்னடத்தை அலுவலர் (காலியிடங்கள் 2) புதிதாக சேர்க்கப்படுகிறது.
அதேபோல், குரூப்-2 ஏ தேர்வில், தொழிற்கூட்டுறவு சங்கங்களின் மேற்பார்வை யாளர் (காலியிடங்கள் 10), குழந்தைகள் நலன், சிறப்புப் பணிகள் துறை உதவியாளர் (காலி யிடங்கள் 3) ஆகிய பதவிகள் புதிதாக சேர்க்கப் படுகின்றன. இதனால் ஒருங்கிணைந்த குரூப்-2, குரூப்-2 ஏ தேர்வில் காலியிடங்களின் எண்ணிக்கை 846 ஆக அதிகரித்துள்ளது.
