கேள்வி: இந்த ஆண்டும் தி.மு.க. அரசால் ‘நீட்’ தேர்வை ரத்து செய்ய முடியவில்லையே…
பதில்: அவர்களால் இனி ஓராண்டும் ரத்து செய்ய முடியாது; ரத்து என்பது அவர்களது தேர்தல் வாக்குறுதி என்பதே உண்மை.
– அந்துமணி பதில்கள் (‘தினமலர்’), 14.5.2023
பார்ப்பனர்களின் ஆசையை வெளிப்படுத்துவதுதானே ‘தினமலர்க்’ கூட்டத்தின் அபார ஆசை.
‘நீட்’டால் பாதிக்கப்பட்டவர்கள் யார்? பயன் பெற்றவர்கள் யார்?
‘நீட்’ – சி.பி.எஸ்.இ. பாடத் திட்டத்தில்தானே தேர்வு நடத்தப்படுகிறது?
இந்தியாவில் சி.பி.எஸ்.இ. பாடத் திட்டம் மட்டும்தான் இருக்கிறதா?
2016 இல் ‘நீட்’ இல்லை. அப்பொழுது சி.பி.எஸ்.இ. பாடத் திட்டத்தில் படித்தவர்களுக்கு மருத்துவக் கல்லூரிகளில் கிடைத்த இடங்கள் 62.
2017 இல் ‘நீட்’ வந்தது; சி.பி.எஸ்.இ. பாடத் திட்டத்தில் படித்த மாணவர்களுக்குக் கிடைத்த இடங்கள் 1220.
அதாவது 20 மடங்கு அதிகம் – கொள்ளை!
‘நீட்’ பார்ப்பனர் வயிற்றில்தானே அறுத்துக் கட்டப்பட்டுள்ளது!
இப்பொழுது புரிகிறதா ‘தினமலர்’ திரிநூல் ‘நீட்’டை விழுந்து விழுந்து ஆதரிப்பதன் நோக்கம்.
தி.மு.க.வைப் பொருத்தவரை ‘நீட்’ ஒழிப்பில் தன் கடமையைச் செய்தே வந்திருக்கிறது. இரண்டு முறை சட்டப்பேரவையில் ‘நீட்’டுக்கு எதிராக மசோதா நிறைவேற்றியதே – முட்டுக்கட்டை எங்கே? ஆளுநர் அலுவலகத்திலும், குடியரசுத் தலைவர் அலுவலகத்திலும்தானே முடங்கிக் கிடக்கிறது.
உண்மை இவ்வாறு இருக்க, ‘தினமலர்’ அந்துமணி தி.மு.க.மீது குற்றப் பத்திரிகையைப் படிக்கிறதே –
இதற்குப் பெயர்தான் சிண்டுமணி – அந்துமணி என்பது!
