கவனத்திற்குரிய முக்கிய செய்திகள் 30.5.2023
டெக்கான் கிரானிக்கல், அய்தராபாத்:
* சந்தேகத்திற்குரிய ஒரு வரலாற்று அர்த்தமற்ற சடங்கை மீண்டும் செயல்படுத்துவது, என்பது இப்போது இந்தியாவின் நாடாளுமன்ற ஜனநாயகத்தின் முக்கிய மைல் கல்லாக மோடியால் மாற்றப்பட்டுள்ளது என்கிறார் பர்சா வெங்கடேஷ்வர ராவ் ஜூனியர்.
இந்தியன் எக்ஸ்பிரஸ்:
* மணிப்பூர் வன்முறை குறித்து, காங்கிரஸ் தலைவர் மல்லிகார்ஜூன் கார்கே தலைமையிலான குழு குடியரசுத் தலைவரை சந்தித்து புகார் மனு அளித்திட உள்ளனர்.
தி இந்து:
* நாடாளுமன்ற கட்டட திறப்பு விழாவில் மதச் சடங்குகளை நடத்தி இந்திய குடியரசை ஒரு புதிய மறுமுறைக்கு மாற்றுவதற்கான வேட்கையை விழாவின் பாணியிலும் பொருளிலும் தெளிவாக மோடி அரசு உணர்த்தியுள்ளது.
டைம்ஸ் ஆப் இந்தியா:
* ராஜஸ்தான் முதலமைச்சர் அசோக் கெலாட், சச்சின் பைலட் ஆகியோர் டில்லியில் காங்கிரஸ் தலைவர் கார்கே மற்றும் ராகுலை சந்தித்து ராஜஸ்தான் தேர்தலில் ஒன்றாக செயல்படுவோம் என்று உறுதியளித்தனர்.
* இந்த ஆண்டு இறுதியில் மத்தியப் பிரதேசத்தில் நடைபெற உள்ள சட்டமன்ற தேர்தலில், 230 இடங்களில் காங்கிரஸ் 150 இடங்களை கைப்பற்றும் என ராகுல் உறுதி.
– குடந்தை கருணா
