தமிழ்நாட்டில் தேசிய நெடுஞ்சாலைகளில், ரயில் நிலையங்களில் மீண்டும் ஹிந்தியா?

தமிழ்நாட்டில் உள்ள அனைத்துத் தேசிய நெடுஞ்சாலைகளிலும் எல்லைக் கற்கள் நடும் பணியும், பழைய எல்லைக் கற்களில் வாசகங்களைப் புதுப்பிக்கும் பணியும் தொடங்கியுள்ளதாகவும், அவற்றில் தமிழ், ஆங்கிலம் மட்டுமல்லாமல், ஹிந்தியும் திணிக்கப்படுவதாகவும் படத்துடன் செய்தி வெளிவந்துள்ளது!
முதல் கட்டமாக தஞ்சை, சேலம் தேசிய நெடுஞ்சாலையில் இப்பணி நடந்து வருகிறதாம். தமிழ்நாட்டில் இதுவரை இல்லாத வகையில், ஒன்றிய பா.ஜ.க அரசு, ஹிந்தித் திணிப்பு நடவடிக்கைகளில் தீவிரமாக இறங்கி வருகிறது.
அதேபோல, ரயில் நிலையங்களிலும் பெரிய எழுத்துகளில் மய்யப் பகுதிகளில் தமிழ் இடம்பெற்றிருந்ததற்கு மாறாக, அந்த இடத்தை ஹிந்தியில் எழுதத் தொடங்கியிருக்கிறார்கள்.
இதுகுறித்து ஏற்கெனவே திராவிடர் கழகமும், தி.மு.க நாடாளுமன்ற உறுப்பி னர்களும் கண்டனம் தெரிவித்தும், நிலைமை இன்னும் மாறவில்லை.
ஹிந்தி எழுத்துகளை அழிக்க மீண்டும் தார்ச் சட்டியை எடுக்கவேண்டிய அவசியம் எழுகிறதா?