குலசேகரன்பட்டினம், அக்.21- ஆந்திர மாநிலம், கிருஷ்ணா மாவட்டம், டென்நேரு காங்கிபாடு பகுதியைச் சேர்ந்த ரவிசந்த் மகள் சாய் பிரியங்கா (வயது 26). இவர் பெங்களூருவில் உள்ள அய்.டி. நிறுவனத்தில் வேலை செய்து வருகிறார். இவர் குலசை தசரா விழாவிற்கென முத்தாரம்மன் கோயிலுக்குக் கடந்த 16ஆம் தேதி காரில் புறப்பட்டு வந்தார்.
கோயில் பகுதியில் தசரா குழுக்களின் கலை நிகழ்ச்சிகளைப் பார்வையிட்ட அவர், 18.10.2026 அன்று இரவு 9 மணியளவில் மீண்டும் காருக்கு திரும்பி வந்துள்ளார். அப்போது கார் கண்ணாடி உடைக்கப்பட்டிருந்ததை பார்த்து அதிர்ச்சி அடைந்தார். மேலும் காருக்குள் வைத்திருந்த 2 தங்கச் சங்கிலிகள், 2 ஜோடி வளையல்கள், 1 ஜோடி கம்மல் என மொத்தமாக 9 பவுன் நகைகள் மற்றும் மடிக்கணினி திருடப்பட்டு இருந்தது. இவற்றின் மதிப்பு சுமார் ரூ.10 லட்சமாகும்.
அவர் காரை நிறுத்திவிட்டுச் சென்றதை நோட்டமிட்டு சில நபர்கள் கைவரிசை காட்டியது தெரிய வந்தது. இதுகுறித்து அவர் அளித்த புகாரின் பேரில் குலசேகரன்பட்டினம் காவல் நிலைய உதவி ஆய்வாளர் சோனியா வழக்குப்பதிவு செய்து காரை உடைத்து நகைகள், திருடிச்சென்ற நபர்களைத் தேடி வருகின்றனர்.
