அபிஜீத் திப்கே, நேஹா போரா தடுப்புக் காவலில் கைது டில்லியில் தடையை மீறி மூவர்ணக் கொடி ஏந்தி சிஜேபி பேரணி

புதுடில்லி, அக். 17-  சிஜேபி அறிவித்திருந்த ‘மூவர்ணக் கொடி’ போராட்டத்தில் கலந்து கொள்வதற்காக, தான் தங்கி இருந்த வீட்டில் இருந்து வெளியே வந்த அந்த அமைப்பின் நிறுவனர் அபிஜீத் திப்கேவை டில்லி காவல்துறையினர் அழைத்துச் சென்று தடுப்புக் காவலில் வைத்துள்ளனர்.

இதேபோல், மாணவர் அமைப்புத் தலைவர் நேஹாரா போராவும் போராட்டக் களத்திலேயே தடுப்புக் காவலில் கைது செய்யப்பட்டு அழைத்துச் செல்லப்பட்டார். எனினும், டில்லி காவல்துறையினரின் தடையை மீறி, சிஜேபியின் ‘மூவர்ணக் கொடி’ போராட்டப் பேரணி தொடர்ந்து நடைபெற்றது.

தலைமைத் தேர்தல் ஆணை யர் ஞானேஷ் குமார் பதவி விலக வேண்டும் என போராட்டம் நடத்தி வரும் சிஜேபி அமைப் பினர், அதன் முக்கிய நிர்வாகி களான சவுரவ் தாஸ், அசுதோஷ் ரங்கா ஆகியோர் கைது செய் யப்பட்டதைக் கண்டித்து நேற்று (16.10.2026) மாலை 5 மணிக்கு டில்லி சென்ட்ரல் பார்க்கில் ‘மூவர்ணக் கொடி’ போராட்டத்துக்கு அழைப்பு விடுத்திருந்தனர்.

இந்தப் போராட்டத்தில் கலந்து கொள்வதற்காக தான் தங்கி இருந்த என்சிபி (எஸ்பி) செய்தித் தொடர்பாளர் வீட்டில் இருந்து டில்லி சென்ட்ரல் பார்க்கில் நடக்கும் போராட்டத்துக்கு கிளம்பிச் சென்ற சிஜேபி நிறுவனர் அபிஜீத் திப்கேவை தடுத்து நிறுத்திய காவலதுறையினர் அவரை அழைத்துச் சென்று தடுப்புக் காவலில் வைத்துள்ளனர். அபிஜீத் திப்கே வீட்டில் இருந்து வெளியே வந்தவுடன் அவரை காவல்துறையினர் தடுத்து நிறுத்தி கைது செய்ததாக சிஜேபி செய்தித் தொடர்பாளர் தெரிவித்துள்ளார்.

முன்னதாக, அபிஜீத் திப்கேவை அவர் தங்கி இருந்த இல்லத்தில் சந்தித்த டில்லி காவல்துறை அதிகாரிகள், அவரி டம் இரண்டு நோட்டீஸ்களை வழங்கி உள்ளனர். அதில் ஒன்று, சென்ட்ரல் பார்க் பகுதியில் கூடுவதற்கு தடை இருப்பதால் அவர் அந்தப் போராட்டத்தில் கலந்து கொள்ளக் கூடாது எனத் தெரிவிக்கப்பட்டிருந்ததாக காவல்துறை வட்டாரங்கள் தெரிவித்தன.

இதனிடையே, மூவர்ணக் கொடி போராட்டத்துக்கு ஆதரவு தெரிவித்திருந்த ஏஅய்எஸ்ஏ அமைப்பினர், நேஹா போரா தலைமையில், டில்லி மாண்டி ஹவுஸ் அருகில் இருந்து சென்ட்ரல் பார்க் நோக்கி பேரணி யாக சென்றனர். அவர்களை காவல் துறையினர் அங்கேயே தடுத்து நிறுத்தி, நேஹா போராவைத் தடுப்புக் காவலில் கைது செய்து அழைத்துச் சென்றனர்.

இந் தநிலையில், போராட்டம் அறிவிக்கப்பட்ட இடத்தில் 2000-க்கும் மேற்பட்ட இளைஞகள் கூடியுள்ளனர். தடையை மீறி மூவர்ணக் கொடி பேரணியும் தொடர்ந்தது. அங்கு காவல் துறையினரும் அதிக எண்ணிக் கையில் குவிக்கப்பட்டிருந்தனர்.