இரணியல், அக்.10- தந்தை பெரியாரின் 148ஆவது பிறந்த நாளை முன்னிட்டு பள்ளி மாணவர்களுக்கான பேச்சுப்போட்டியில் வெற்றி பெற்ற மாணவர் களுக்கு பரிசளிப்பு விழா இரணியலை அடுத்த ஆழ்வார் கோவில் உமா மெட்ரிக் மேல்நிலைப் பள்ளியில் 16.9.2026 அன்று நடைபெற்றது.
பகுத்தறிவாளர் கழக மாவட்டத் தலைவர் உ.சிவதானு தலைமை தாங்கி பரிசுகளை வழங் கினார். மாவட்டக் கழகத் தலைவர் மா.மு.சுப்பிர மணியம் முன்னிலை வைத்து அனைத்து மாண வர்களுக்கும் பெரியார் நூல்களை வழங்கினார்.
மாவட்ட துணைத் தலைவர் ச.நல்லபெரு மாள், அமைப்புசாரா தொழிற்சங்க துணைச் செயலாளர் தா. ஜெபராஜ் ஆகியோர் முன்னிலை வகித்தனர். மாவட்டச் செயலாளர் கோ.வெற்றிவேந்தன் விழாவினை தொடங்கி வைத்தார். பள்ளி தாளாளர் மகாதேவன் விழாவினை ஒருங்கிணைத் தார். ஏராளமான மாணவ மாணவியர்கள் விழாவில் கலந்து கொண்டனர்.
‘வைக்கம் போராட் டத்தில் தந்தை பெரியார்’, ‘பெரியாரின் பெண்ணுரிமை சிந்தனைகள்’, ‘பெரியார் எனும் உலகத் தலைவர்’, ‘சுயமரியாதை இயக்கத்தில் அனைவருக்கும் அனைத் தும்’, ‘தமிழுக்கு தந்தை பெரியாரின் பங்களிப்பு’, ‘என்றும் தேவை பெரியார்’ போன்ற தலைப்புகளில் போட்டி நடைபெற்றது குறிப்பிடத்தக்கது. பகுத்தறி வாளர் கழக மாவட்டச் செயலாளர் பெரியார் தாஸ் நன்றி கூறினார்.
