சென்னை அக். 09– கலைஞர் கருணாநிதி அறக்கட்டளை சார்பில் ஏழை, எளிய நலிந்தோருக்கான உதவிகள் மற்றும் மருத்துவ உதவிக்கு ரூ.2 லட்சத்தை திமுக தலைவர் மு.க.ஸ்டாலின் வழங்கினார்.
இதுகுறித்து திமுக தலைமை வெளியிட்டுள்ள அறிக்கையில், ‘‘முன்னாள் முதலமைச்சர் கலைஞர் கருணாநிதி வழங்கிய ரூ.4 கோடி வைப்பு நிதியிலிருந்து வரும் வட்டித் தொகையைக் கொண்டு 2007 பிப்ரவரி முதல் தொடர்ந்து நலிந்தோருக்கு உதவித்தொகை வழங்கப்பட்டு வருகிறது. அந்த வகையில், இந்த மாதத்துக்கான நலிந்தோர் மற்றும் மருத்துவ உதவி நிதியாக 8 பேருக்கு தலா ரூ.25,000 வீதம் மொத்தம் ரூ.2 லட்சம் நிதியுதவியை திமுக தலைவர் மு.க.ஸ்டாலின் நேற்று (8.10.2026) வழங்கினார்.
இந்த உதவித் தொகை, அஞ்சல் மூலம் வங்கி வரைவோலையாக பயனாளிகளுக்கு அனுப்பி வைக்கப் பட்டது’’ என்று கூறப்பட்டுள்ளது.
