தடகளப்போட்டி, சதுரங்கப்போட்டி மற்றும் சிலம்பம் போட்டிகளில் பெரியார் மணியம்மை பெண்கள் மேல்நிலைப்பள்ளி மாணவிகள் சாதனை!

திருச்சி, அக்.7- 11ஆம் வகுப்பு டி.யோகதர்ஷினி முதலமைச்சர் கோப்பைக்கான தடகளப் போட்டியில் 100 மற்றும் 200மீ போட்டியில் 2ஆம் இடம் பெற்று கோப்பையையும் சான்றிதழையும் வென்றார். அதைத் தொடர்ந்து மாநில அளவிலான தடகளப்போட்டியில் 80மீ Hurdlesஇல் 2ஆம் இடமும் பெற்று 41ஆவது ஜூனியர் நேசனல் லெவல் போட்டிக்கு தகுதி பெற்று சாதனை படைத்துள்ளார்.
8ஆம் வகுப்பு மாணவி பிஎம்.சாத்விகா, 3ஆவது திருச்சி மாவட்ட அளவில் நடைபெற்ற சதுரங்கப் போட்டியில் முதலாம் இடம் பெற்று கோப்பையையும் சான்றிதழையும் வென்று சாதனை படைத்துள்ளார்.
8ஆம் வகுப்பு மாணவி ஆ.ரிஷித்தா திருச்சி மாவட்ட அளவிலான சப் ஜூனியர் (Sub Junior) சிலம்பம் போட்டியில் ஸ்பேரிங் (Sparring) மற்றும் தனிப்பிரிவில் 3ஆம் இடம் பெற்று வெண்கலப்பதக்கமும் சான்றிதழும் வென்று பள்ளிக்குப் பெருமை சேர்த்தார்.
இம்மாமாணவிகளுக்கு பள்ளித் தலைமையாசிரியை மற்றும் ஆசிரியர்கள் வாழ்த்துகளையும், பாராட்டுதல்களையும் தெரிவித்து மாணவிகளை ஊக்கப்படுத்தினர்.