கோவில்பட்டி, அக். 6- வாக்குரி மையைப் பறிக்கும் அநீதிக்கு எதிராக முதலமைச்சர் விஜய் உரக்கக் குரல் எழுப்ப வேண்டும் என்று இந்திய கம்யூனிஸ்ட் கட்சியின் மாநில செயலாளர் மு.வீரபாண்டியன் தெரிவித்தார்.
கோவில்பட்டியில் செய்தியாளர்களிடம் அவர் கூறியதாவது: தேர்தல் முறைகளில் மாற்றங்கள் தேவைப் படுகிறது. கம்யூனிஸ்ட்கள் இல்லாத சட்டப்பேரவை அவ்வளவு பொருள்படாது என முன்னாள் முதல மைச்சர் கலைஞர் கூறினார்.
அதற்கு விகிதாச்சாரப் படி தேர்தல் சீர்திருத்தம் வேண்டும் எனவும் முன்மொழிந்தார். இது இந்தியா போன்ற பல கட்சிகள் இயங்கும் நாட்டுக்கு நல்லது.
வெற்றி பெற்ற சட்டப் பேரவை உறுப்பினர்களை விலை பேசும் கலாச் சாரத்தை பாஜக தொடங்கி வைத்தது. அது தமிழ்நாடு வரை பாதிப்பை ஏற்படுத்தி உள்ளது. 13 கோடி பேரின் வாக்குரிமையை பறிப்பது என்பது சாதாரணமல்ல.
நாடாளுமன்ற ஜனநாயகத்தின் மீது நடத்தப்பட்டுள்ள படுகொலை. அதை நிகழ்த்தியது பிரதமர், உள்துறை அமைச்சர், தலைமைத் தேர்தல் அதிகாரி.
ஜனநாயகத்தை காக்கும் அனைவரும் இந்த அநீதிக்கு எதிராக போராட முன்வர வேண்டும். வாக்குரிமையை பறிக்கும் அநீதிக்கு எதிராக முதல்வர் விஜய் உரக்க குரல் எழுப்ப வேண்டும். இவ்வாறு அவர் கூறினார்.
