பெரியார் 148 ஆம் பிறந்த நாளை முன்னிட்டு பெரியார் குருதிக்கொடை முகாம்

இராஜபாளையம்,‎ முரம்பில் நடைபெற்ற பெரியார் 148 ஆம் பிறந்த நாளை முன்னிட்டு பெரியார் குருதிக்கொடை கழகம், பகுத்தறிவாளர் கழகம் இணைந்து நடத்திய குருதிக்கொடை முகாமில் 50க்கும் மேற்பட்ட இளைஞர்கள் குருதிக்கொடை வழங்கி சிறப்பித்தனர். நிகழ்ச்சிக்கு பெரியார் குருதிக்கொடை கழகத் தலைவர் ஞானராஜா தலைமை ஏற்க குருதிக்கொடை கழகச் செயலாளர், பொருளாளர் வழவை முத்தரசன் ஆகியோர் ஏற்பாடுகளை சிறப்பாக செய்திருந்தனர். இந்நிகழ்ச்சியில் சாத்தூர் சட்டமன்ற உறுப்பினர் கடற்கரை ராஜ் கலந்துகொண்டு அனைவருக்கும் கேடயம் வழங்கி சிறப்பித்தார். நிகழ்ச்சியின் சிறப்பு அழைப்பாளராக திமுக மாநில தகவல் தொடர்பு துறைத் துணைச் செயலாளர் சூர்யா கிருஷ்ணமூர்த்தி கலந்து கொண்டு மாணவர்கள் மத்தியில் சிறப்பான உரையை ஆற்றினார். மேலும் இந்நிகழ்ச்சியில் விருதுநகர் மாவட்ட திராவிடர் கழகத் தலைவர் இல திருப்பதி, ராஜபாளையம் நகர தலைவர் சிவக்குமார், நகர செயலாளர் இரா பாண்டி முருகன் ஆகியோர் கலந்து கொண்டனர்.