காத்மாண்டு, செப் 02- நேபாள பெருவெள்ளத்தில் உயிரிழந்தோர் எண்ணிக்கை 1,000-த்தைத் தாண்டி உள்ளது. 4,400 பேரை காணவில்லை. அவர்களை தேடும் பணி தொடர்ந்து நடைபெறுகிறது. நேபாளத்தில் சுமார் 20,000-க்கும் மேற்பட்ட வீரர்கள் இரவு, பகலாக மீட்புப் பணியில் ஈடுபட்டு வருகின்றனர்.
அங்கு நேற்று 7-ஆவது நாளாக மீட்புப் பணி தொடர்ந்து நடைபெற்றது. இதுவரை 1,000-க்கும் மேற்பட்ட உடல்கள் மீட்கப்பட்டு உள்ளன. 4,400-க்கும் மேற்பட்டோரை காணவில்லை. இதில் 583 பேர் வெளிநாட்டினர் ஆவர். அவர்களில் பெரும்பாலானோர் இந்தியர்கள் ஆவர். காணாமல் போனவர்களை தேடும் பணி தொடர்ந்து நடைபெற்று வருகிறது. பெருவெள்ளம் பாதித்த பகுதிகளில் சுமார் 40-க்கும் மேற்பட்ட பாலங்கள் உடைந்துள்ளன. அங்கு தற்காலிகப் பாலங்களை அமைக்க இந்தியாவின் உதவியை நேபாள அரசு கோரியுள்ளது. இந்தியப் பொறியாளர்கள் குழு நேபாளத்தில் முகாமிட்டு தற்காலிக பாலங்களை அமைத்து வருகிறது. மேலும் நேபாளத்தின் நீர்மின் திட்டங்களில் பணியாற்றிய சுமார் 900 தொழிலாளர்களை காணவில்லை.
இரு இந்தியக் குழுக்கள் நேபாளத்தில் முகாமிட்டு சுரங்க மீட்புப் பணிகளில் ஈடுபட்டு வருகின்றன. நேபாள வெளியுறவுத் துறை செய்தித் தொடர்பாளர் கூறும்போது, “பெருவெள்ளம் பாதித்த பகுதிகளில் இருந்து 11,800 பேரை பத்திரமாக மீட்டு உள்ளோம். 4,400-க்கும் மேற்பட்டோரை காணவில்லை. அவர்களை தேடும் பணி தொடர்ந்து நடைபெறுகிறது.
ஆயிரத்துக்கும் மேற்பட்டோர் உயிரிழந்துள்ளனர். மரபணுச் சோதனை மூலம் உறவினர்களிடம் உடல்கள் ஒப்படைக்கப்படுகின்றன. இந்த பணிக்கு இந்தியா, சீனா, சிங்கப் பூர் உள்ளிட்ட நாடுகள் உதவி செய்து வருகின்றன” என்று தெரிவித்தார்.
இதுவரை 163 இந்தியர்கள் மீட்பு
நேபாள வெள்ளத்தில் இருந்து 163 இந்தியர்கள் மீட்கப்பட்டுள்ளதாக ஒன்றிய அரசு நேற்று (செப். 1) அறி வித்தது. 151 பேர் சீனாவின் உதவியுடன் தாயகத்திற்குப் புறப்பட்டுள்ளதாகவும் குறிப்பிட்டுள்ளது.
