நீதிபதி ஜி.ஆர். சுவாமிநாதன்: ஸநாதனம், வேதம், அரசமைப்புச் சட்டச் சர்ச்சைகள் – ஒரு தொகுப்பு

சென்னை உயர் நீதிமன்ற நீதிபதி ஜி.ஆர்.சுவாமிநாதன் தமிழ்நாட்டில் பல சர்ச்சைகளுக்கு மய்யமாக உள்ளார்.

அவரது பொது உரைகள், நீதிமன்ற உத்தரவுகள் (குறிப்பாக திருப்பரங்குன்றம் கார்த்திகை தீபம் வழக்கு) மற்றும் ஸநாதன தர்மம், வேதம், குரு பக்தி போன்றவை தொடர்பான கருத்துகள் திராவிட இயக்கம் இடதுசாரி அமைப்புகள், தாழ்த்தப்பட்டவர்களின் அமைப்புகள் மற்றும் சில மேனாள் நீதிபதிகளிடமிருந்து கடும் விமர்சனத்தைப் பெற்றுள்ளன.

சமூகநீதி அமைப்புகள் இவரது பேச்சு அரசமைப்பு மதச்சார்பின்மைக்கு எதிரானவை, பார்ப்பனிய மேலாதிக்கக் கண்ணோட்டம் கொண்டவை என்று கூறுகின்றனர்.

ஸநாதன தர்மத்தை இதயத்தில் வைத்து பணியாற்றுவேன். (2026 ஜனவரி)

2026 ஜனவரி 24/25 அன்று சென்னையில் தாரா அறக்கட்டளை விழாவில் பேசியபோது, தனக்கு இன்னும் நான்கரை (4½) ஆண்டுகள் பணி உள்ளதாகக் கூறிய நீதிபதி, “இந்த காலகட்டத்தில் சிறப்பாகப் பணியாற்ற வேண்டும். ஸநாதன தர்மத்தை என் இதயத்தில் வைத்துக்கொண்டு செயல்பட வேண்டும்” என்றார். பொது கடமைகளில் தொழில்நுட்ப திறமை மட்டும் போதாது, குணம் முக்கியம் என்றும், அதற்கு ஸநாதன தர்மம் வழிகாட்டும் என்றும் வலியுறுத்தினார்.

“ஒரு உயர் நீதிபதி அரசமைப்புக்கு பதிலாக ஸநாதனத்தை வழிகாட்டியாகக் கூறுவது மதச்சார்பின்மைக்கும் நீதித்துறை சுதந்திரத்துக்கும் எதிரானது” என்று கூறப்பட்டது.

“வேதங்களைப் பாதுகாத்தால் வேதங்கள் உங்களைப் பாதுகாக்கும்”. (2025)

2025 ஜூலை மாதம் வேத சாலா விழாவில் ஆர்.சுவாமி நாதன் பேசியபோது, ஒரு வழக்கில் தனக்கு ஆதரவாக தீர்ப்பு வந்ததைச் சுட்டிக்காட்டி, “If you protect the Vedas, the Vedas will protect you” என்று கூறினார். இது “வேதத்தை அரசமைப்புக்கு மேல் வைப்பது” என்று விமர்சிக்கப்பட்டது.

ஆன்மீக குருக்களை கடவுளாக ஏற்காதவர்கள் “அயோக்கியர்கள், முட்டாள்கள், காட்டுமிராண்டிகள்” (2026 பிப்ரவரி)

ஒரு மத நிகழ்வு ஒன்றில் பேசியபோது, தமிழ்நாட்டில் சில “பகுத்தறிவாளர்கள்”  வேதமரபினை பின்பற்றி வாழும் புனிதர்களை அயோக்கியர்கள், முட்டாள்கள், காட்டுமிராண்டிகள் என்று அழைப்பதாகக் கூறி,  “அப்படிச் சொல்பவர்களே உண்மையான அயோக்கியர்கள், முட்டாள்கள், காட்டுமிராண்டிகள்” என்று கூறினார்.

அரசமைப்புச் சட்டம் குறித்த கருத்துகள்

அரசமைப்பு “copied” ஆவணம் என்றும், அது பெரும்பாலும் இங்கிலாந்து நிர்வாகத்தின் சட்டமான Government of India Act 1935-இலிருந்து எடுக்கப்பட்டது என்றும் கூறியுள்ளார்.

“இந்துக்கள் எண்ணிக்கை அதிகரித்தால் இந்த அரசமைப்பு தொடர்ந்து நீடிக்குமா என்பது சந்தேகம்” என்று 2023-இல் பேசியது பெரும் விமர்சனத்துக்கு உள்ளானது.

இந்தக் கருத்துகள் அரசமைப்புச் சட்டத்துக்கு எதிரானவை என்றும், நீதிபதி தனது பதவியில் இருந்து கொண்டு மத அடிப்படையில் பேசுவது தகாதது என்றும் விமர்சகர்கள் (முன்னாள் நீதிபதி கே.சந்துரு உட்பட கூறினர்.

அவருக்கு எதிராக புகார் கொடுத்த வழக்குரைஞர் வாஞ்சிநாதனை  கொச்சையாக் பேசி அவமதிப்பு வழக்கில் கடுமையாக விமர்சித்தார்.

ஒரு நீதிபதி அரசமைப்புச் சட்ட சத்தியப் பிரமாணத்துக்கு பதிலாக ஸநாதன தர்மத்தை வழிகாட்டியாகக் கூறுவது மதச்சார்பின்மை  கோட்பாட்டுக்கு எதிரானது.

இந்தியாவில் உச்ச நீதி மன்றத்தின் முன்னாள் தலைமை நீதிபதிகளான ரஞ்சன் கோகோய்  மற்றும் டி.ஒய். சந்திரசூட் போன்றோர் தங்கள் பதவிக் காலத்தில் சமயச் சடங்குகளில் பங்கேற்று, அதை பாஜகவின் விளம்பர அரசியலாக்கியதற்கு வழி வகுத்தனர்.

2024 செப்டம்பர் 11 அன்று பிரதமர் நரேந்திர மோடி, டி.ஒய்.சந்திரசூட் இல்லத்தில் கணபதி பூஜையில் கலந்துகொண்டார்.

பிரதமர் மோடி பாரம்பரிய மராட்டிய உடையில் (மராட்டிய டோப்பி உட்பட அணிந்து வந்து, சந்திரசூட் மற்றும் அவரது மனைவி கல்பனா தாஸ் உடன் இணைந்து கணபதி ஆரத்தி செய்தார், பூஜையில் பங்கேற்றார்.

இந்த நிகழ்வு ஒளிப்படங்கள் மற்றும் காட்சிப் பதிவுகளுடன் பரவலாகப் பகிரப்பட்டது. மோடி தனது எக்ஸ் (ட்விட்டர்) பக்கத்தில் “நீதிபதி இல்லத்தில் கணேஷ் பூஜாவில் கலந்துகொண்டேன்” என்று பதிவிட்டார்.

இது தனிப்பட்ட வீட்டு விழாவாக இருந்தாலும், பிரதமரின் வருகை, உடையின் தேர்வு (மகாராட்டிர தேர்தல் நெருங்கிய நேரத்தில்), மற்றும் பொது ஊடக வெளிப்பாடு ஆகியவை “நீதித்துறை-நிர்வாகத் தொடர்பு” குறித்த விவாதத்தை எழுப்பின. சிலர் இதை மதச்சார்பின்மைக்கு எதிரானது என்றும், அரசியல் சின்னமாகப் பயன்படுத்தப்பட்டது என்றும் விமர்சித்தனர். சந்திரசூட் பின்னர் இந்த விமர்சனங்களை “தேவையற்றவை, தர்க்கமற்றவை” என்றார்.

மேனாள் CJI ரஞ்சன் கோகோய் தனது பதவிக் காலத்தில் பல அரசுக்கு ஆதரவான தீர்ப்புகளை வழங்கியவர் என்று அறியப்படுகிறார். ஓய்வுக்குப் பின் அவர் ராஜ்ய சபாவுக்கு நியமன உறுப்பினராக ஆனார்.

அயோத்தி வழக்கு உள்ளிட்ட முக்கிய வழக்குகளில் இந்து தரப்பு வாதங்களுக்கு இடமளித்த தீர்ப்புகள் அவரது காலத்தில் வந்தன.

சந்திரசூட் தனது தீர்ப்புகளில் சில சமயங்களில் இந்து சமய நூல்கள், பாரம்பரியம், பக்தி ஆகியவற்றை மேற்கோள் காட்டியுள்ளார். அயோத்தி தீர்ப்பு தொடர்பில் பாபர் மசூதி  குறித்து எழுதும்போது இந்துக்களின் புனிதமான இடத்தில் என்று குறிப்பிட்டார்.

நீதித்துறையில் மதச்சார்பின்மை என்பது மத விரோதமாக மாறிவிட்டது என்ற குற்றச்சாட்டுக்கு எதிரான எதிர்வினை இது.

இந்தியாவின் பெரும்பான்மை இந்து மக்களின் சமய உணர்வுகளை நீதிபதிகளும், அரசியல் தலைவர்களும் பொது வெளியில் மதிப்பளிப்பது கலாச்சார மீட்பு என்று பார்க்கப்படுகிறது.

ரஞ்சன் கோகோய், டி.ஒய். சந்திரசூட் போன்ற உயர் நீதிபதிகள் தங்கள் தனிப்பட்ட இந்து நம்பிக்கையை வெளிப்படுத்தியதும், பிரதமர் மோடியின் கணபதி விழா பங்கேற்பும் (மராட்டிய உடையில்) இந்தியாவில் மதச்சார்பின்மை vs கலாச்சார தேசியம் என்ற விவாதத்தை மீண்டும் எழுப்பியது. இந்துத்துவக் கண்ணோட்டத்தில் இது பெரும்பான்மை சமூகத்தின் உணர்வுகளை அங்கீகரிப்பது மற்றும் “இந்தியாவை ஹிந்துயமயமாக்குவது” என்ற போக்கின் ஒரு பகுதியாகக் காணப்படுகிறது.

நீதித்துறையின் நடுநிலை எப்படி பாதுகாக்கப்பட வேண்டும் என்பதிலும், தனிப்பட்ட நம்பிக்கைக்கும் பொது பதவிக்கும் இடையிலான எல்லை என்ன என்பதிலும்தான் உள்ளது.