புதுச்சேரி, மார்ச்.29- புதுச்சேரி நாடாளுமன்ற தொகுதியில் காங்கிரஸ் சார்பில் நாடாளுமன்ற உறுப்பினர் வைத்திலிங்கம் பா.ஜனதா சார்பில் அமைச்சர் நமச்சிவாயம், அ.தி.மு.க.வில் தமிழ்வேந் தன், நாம் தமிழர் கட்சியில் டாக்டர் மேனகா உள்பட 34 பேர் வேட்புமனுக்கள் தாக்கல் செய்து இருந்தனர்.
நேற்று (28.3.2024) வேட்புமனு பரிசீலனை நடந்தது. அப்போது அமைச்சர் நமச்சிவாயம் தனது மனைவி பெயரிலான சொத்து விவரங்களை பிரமாணப் பத்திரத்தில் காட்டவில்லை. அவர் அமைச்சராக இருந்து தேர்தலில் போட்டியிடக் கூடாது.
அவரது மனுவை தள்ளுபடி செய்யவேண்டும் என்று சுயேச்சை வேட்பாளர் கிருஷ்ணமூர்த்தி வலியுறுத்தி னார். ஆனால் அமைச்சராக இருந்து தேர்தலில் போட்டியிட சட்டத்தில் இடம் உள்ளது என்று மாவட்ட தேர்தல் அதிகாரியான ஆட்சியர் குலோத்துங்கன் கூறினார்.
மேலும் சொத்து விவரங்களை மறைத்திருந் தால் அதுதொடர்பான ஆவணங்களை தருமாறு கூறினார். ஆனால் ஆவணங்கள் எதுவும் வழங் கப்படாததால் அமைச்சர் நமச்சிவாயத்தின் மனு ஏற்கப்பட்டது. இதேபோல் காங்கிரஸ் வேட்பா ளர் வைத்திலிங்கம் அ.தி.மு.க. வேட்பாளர் தமிழ்வேந்தன், நாம் தமிழர் கட்சி வேட்பாளர் மேனகா உள்பட 27 பேரின் வேட்புமனுக்கள் ஏற்றுக்கொள்ளப்பட்டன. போதிய ஆவணங்கள் இணைக்கப்படாதது உள்பட பல்வேறு கார ணங்களுக்காக 7 சுயேச்சைகளின் வேட்புமனுக்கள் நிராகரிக்கப்பட்டன.
