கவனத்திற்குரிய முக்கிய செய்திகள்

26.3.2024
டெக்கான் கிரானிக்கல், சென்னை:
* பாஜகவுக்கு வாக்களிப்பது அவமானம் என்பதை மக்களிடம் எடுத்துச் சொல்ல வேண்டும் என நாங்குநேரி பிரச்சார கூட்டத்தில் முதலமைச்சர் மு.க.ஸ்டாலின் கூறினார். மீண்டும் பிரதமர் மோடி ஆட்சிக்கு வந்தால் அமைதியான இந்தியா அமளியான இந்தியாவாக மாறிவிடும்; தமிழர்களை வெறுக்காத ஒருவர் பிரதமர் ஆக வேண்டுமென்றால் பிரதமர் மோடியை தோற்கடித்தாக வேண்டும் என மு.க.ஸ்டாலின் கூறினார்.
டெக்கான் கிரானிக்கல், அய்தராபாத்:
* தேர்தல் பத்திரத்தில் பாஜகவின் தில்லுமுல்லுகளை திசை திருப்பவே அரவிந்த் கெஜ்ரிவால் கைது நடவடிக்கை என்கிறார் கேரள முதலமைச்சர் பினராயி விஜயன்.
இந்தியன் எக்ஸ்பிரஸ்:
* திரிபுரா வழக்குரைஞர்கள் (பார்) அசோசியேஷன் தேர்தலில் பாஜக குழு தோல்வி. மக்களவைத் தேர்தலுக்கான முன்னோட்டம் என காங்கிரஸ், சி.பி.அய். (எம்) கருத்து.
தி இந்து:
* பெண்களுக்கு எதிரான கொடுமைகள் 2 மடங்கு உயர்வு: மோடி ஆட்சியில் 35 லட்சம் பாலியல் வழக்குகள்! தோல்விகளை பட்டியலிட்டு காங்கிரஸ் கடும் விமர்சனம்
டைம்ஸ் ஆப் இந்தியா:
* தமிழ்நாட்டுக்கான பேரிடர் நிவாரண நிதியை தர மறுக்கும் ஒன்றிய பாஜ அரசுக்கு எதிராக வழக்கு: உச்சநீதி மன்றத்தில் தொடரப் போகிறோம்; நாங்குநேரி பிரசாரத்தில் முதலமைச்சர் மு.க.ஸ்டாலின் எச்சரிக்கை
* தமிழ்நாட்டில் பாஜகவை தோற்கடியுங்கள். கோவையில் பாஜக தலைவர் அண்ணாமலை டெபாசிட் இழக்குவகையில் தோற்கடிக்க வேண்டும் என சென்னை உயர்நீதிமன்ற மேனாள் நீதிபதி அரி பரந்தாமன் வாக்காள பெருமக்களுக்கு வேண்டுகோள்.
தி டெலிகிராப்:
* அரவிந்த் கெஜ்ரிவால் கைதுக்கு எதிர்ப்பு தெரிவிக்கும் நோக்கில், ஜனநாயகத்தைப் பாதுகாப்போம் என்ற முழக்கத் துடன் இந்தியா கூட்டணி தலைவர்களின் மாபெரும் பேரணியை மார்ச் 31இல் டில்லியில் நடத்திட முடிவு.
* போல் சர்வே.டாப்’ என்ற இணையதளத்தில் விளம்பரம் வெளியிட்டு பரிசு அறிவித்துள்ள பாஜக மீது நடவடிக்கை எடுக்க வேண்டும் என்று இந்திய தேர்தல் ஆணையத்துக்கு திமுக புகார் கடிதம் எழுதியுள்ளது. கருத்துக்கணிப்பில் பங்கேற்றவர்களுக்கு போனஸ்/பரிசு வழங்குவது வாக்காளர்களுக்கு லஞ்சம் கொடுப்பதற்கு சமம் என திமுக அமைப்பு செயலாளர் ஆர்.எஸ்.பாரதி என கடிதத்தில் குறிப்பிட்டுள்ளார்.
* தேர்தல் பதாகையில் ஹிந்து கடவுளின் படத்தை பயன் படுத்தியதற்காக ஒன்றிய இணை அமைச்சர் முரளீதரனுக்கு எதிராக சிபிஅய்(எம்) தேர்தல் ஆணையத்தில் புகார்.
– குடந்தை கருணா