கவனத்திற்குரிய முக்கியச் செய்திகள் 20.11.2026

- Advertisement -

டெக்கான் கிரானிக்கள், அய்தராபாத்:

* இந்திய மக்கள்தொகையில் 25% பேர் 24 வயதுக்குட்பட்ட இளைஞர்கள் என அய்.நா. மக்கள் தொகை நிதியம் (UNFPA) தெரிவித்துள்ளது; இந்தியாவின் மக்கள் தொகை 81 ஆண்டுகளில் இரட்டிப்பாகும். 2026 மக்கள் தொகை எதிர்கால ஆய்வின்படி, 83% இந்தியர்கள் எதிர்காலம் குறித்து நம்பிக்கையுடன் உள்ளனர்; அதேவேளையில், குடும்ப அளவு, குழந்தைப்பேறு விருப்பம் மற்றும் மகப்பேறு காலத் தாய் இறப்பு விகிதம் தொடர்பான முக்கியத் தகவல்களும் வெளியாகியுள்ளன.

நியூ இந்தியன் எக்ஸ்பிரஸ்:

* உலக விவகாரங்களில் இந்தியா வெறும் பார்வையாளராக மாறிவிட்டது – ராகுல் காந்தி! அமெரிக்கா – ஈரான் அமைதிப் பேச்சுவார்த்தையில் பாகிஸ்தான் ஈடுபட்டுள்ள நிலையில், உலக அரங்கில் இந்தியாவின் செல்வாக்கு குறைந்து விட்டதாக ராகுல் காந்தி விமர்சனம். மோடியின் தனிநபர் உறவுகளை மய்யமாகக் கொண்ட வெளியுறவுக் கொள்கையையும் அமெரிக்காவில் சிகாகோ பல்கலைக்கழக உரையாடலில் சாடினார்.

தி இந்து:

* பெண்கள் இன்னும் உண்மையான சமத்துவத்தை அடையவில்லை: உச்சநீதிமன்ற நீதிபதி நாகரத்னா ஆதங்கம். நாடாளுமன்றம் மற்றும் சட்டமன்றங்களில் பெண்களுக்கு 33% இடஒதுக்கீடு வழங்கும் அரசியலமைப்புத் திருத்தங்கள், முடிவெடுக்கும் அதிகாரத்தில் பெண்களின் பங்களிப்பு அவசியம் என்பதை உணர்த்துகின்றன என பேச்சு. நிறுவனங்களில் வரலாற்று ரீதியாக புறக்கணிக்கப்பட்ட சமூகங்களுக்கு பிரதிநிதித்துவம் வழங்க, சட்டப்படியான சமத்துவம் மட்டும் போதாது; உண்மையான பிரதிநிதித்துவமும் அவசியம் என நீதிபதி நாகரத்னா வலியுறுத்தினார்.

தி டெலிகிராப்:

* குஜராத் படுகொலையில் உயிர் தப்பி, பாலியல் வன்கொடுமை குற்றவாளிகளின் பிணையை எதிர்த்துப் போராடும் பில்கிஸ் பானோ! மீண்டும் அச்சம் ஏற்பட்டுள்ளதாகத் தெரிவித்த பில்கிஸ் பானோ, நீதி கிடைக்கும் வரை தனது போராட்டம் தொடரும் என உறுதி.

* வாக்குத் திருட்டு குற்றச்சாட்டை பணமதிப்பிழப்பு நடவடிக்கையுடன் இணைத்து மோடி, அமித் ஷாவை காங்கிரஸ் சாடல். மக்கள் விரோதக் கொள்கைகளால் ஏழைகளும் நடுத்தர மக்களும் பாதிக்கப்படுகின்றனர்; ஆனால் அரசு எவ்விதப் பொறுப்புணர்வும் இன்றி செயல்படுகிறது என காங்கிரஸ் மூத்த தலைவர் ஜெய்ராம் ரமேஷ் குற்றச்சாட்டு.

டைம்ஸ் ஆப் இந்தியா:

* வரி குறைத்தும் ஏன் வேலைவாய்ப்பும் ஊதிய உயர்வும் வழங்கவில்லை? தொழில்துறையினருக்கு பிரதமர் மோடி கேள்வி! நிறுவன வரி 30%-லிருந்து 22%-ஆகக் குறைக்கப்பட்டும், ரூ.12 லட்சம் வரையிலான வருமானத்திற்கு வருமான வரி விலக்கு அளித்தும் ஊழியர்களின் சம்பளத்தையோ எண்ணிக்கையையோ உயர்த்தாதது ஏன் என பிக்கி (FICCI) கூட்டத்தில் தொழிலதிபர்களிடம் கேள்வி எழுப்பினார்.

– குடந்தை கருணா

 

விடுதலை வளர்ச்சிக்கு உரமிடுங்கள்..

அன்பார்ந்த தோழர்களே, தந்தை பெரியார் அவர்களால் தொடங்கப்பட்டு, திராவிட இயக்கத்தின் முதன்மைக் குரலாக, உலகின் முதல் மற்றும் ஒரே பகுத்தறிவு நாளேடாக திகழ்ந்து வருகிறது "விடுதலை" நாளேடு.

"விடுதலை" என்பது ஒரு நாளேடு மட்டுமல்ல; இது ஒரு இயக்கம். விடுதலை தன் பணியைத் தொய்வு இன்றித் தொடர, உங்கள் பொருளாதார பங்களிப்பு மிகத் தேவை. பெரியார் தொடங்கி வளர்த்த விடுதலையை உரமிட்டு இன்னும் வளர்க்க வேண்டிய கடமை நமக்கு இருக்கிறது. உங்கள் நன்கொடை அந்த வளர்ச்சிக்கு உதவும்.

தொகை எவ்வளவு என்பது முக்கியமல்ல! உங்கள் பங்களிப்பே முக்கியம்! நீங்கள் தரும் ஒவ்வொரு ரூபாயும் சமூகநீதிச் சுடரை ஒளிர வைக்கும். நன்றி!

இணையம்வழி விடுதலை வளர்ச்சி நிதி தந்தவர்கள் பட்டியல் காண  

Leave a Comment

Leave a Reply

Your email address will not be published. Required fields are marked *