திருவனந்தபுரம், அக். 24– கேரள மாநில ஆளுநராக இருந்த ராஜேந்திர விஸ்வநாத் ஆர்லேக்கர் அண்மையில் தமிழ்நாட்டுக்கு மாற்றப்பட்டார். அவருக்குப் பதிலாக சிக்கிம் மாநில ஆளுநராக இருந்த ஓம் பிரகாஷ் மாத்தூர் கேரளத்தின் புதிய ஆளுநராக நியமிக்கப் பட்டார். இந்நிலையில் நேற்று (23.10.2026) திருவனந்தபுரம் ஆளுநர் மாளிகையில் நடந்த விழாவில் கேரளத்தின் 29ஆம் ஆளுநராக ஓம் பிரகாஷ் மாத்தூர் பதவி ஏற்றார். அவருக்கு கேரள உயர்நீதிமன்ற தலைமை நீதிபதி சவுமென் சென் பதவிப்பிரமாணம் செய்து வைத்தார்.
இந்த நிகழ்ச்சியில் கேரள முதலமைச்சர் வி.டி.சதீசன், சிக்கிம் மாநில முதலமைச்சர் பிரேம் சிங் தமாங் மற்றும் கேரள அமைச்சர்கள் கலந்து கொண்டனர். புதிய ஆளுநருக்கு முதலமைச்சர் வி.டி.சதீசன், அமைச்சர்கள் மற்றும் பதவியேற்பு விழா வுக்கு வந்திருந்த முக்கிய பிரமுகர்கள் வாழ்த்து தெரி வித்தனர்.
கேரளத்தின் புதிய ஆளுந ராக பொறுப்பேற்ற ஓம் பிரகாஷ் மாத்துர் ஆளுநர் மாளிகையில் சைவ உணவை மட்டுமே சமைக்க வேண்டும் என்று உத்தரவிட்டுள்ளார். இதற்கு கடும் எதிர்ப்பு கிளம் பியுள்ளது. இது குறித்து காங்கிரஸ் பொதுச் செயலாளரும், நாடாளுமன்ற உறுப்பினருமான கே.சி. வேணுகோபால் வெளியிட் டுள்ள அறிக்கையில் கூறி யிருப்பது: கேரள ஆளுநரின் இந்த செயல் கேரளத்தின் உணவு கலாச்சாரத்தையும், தனி நபர் சுதந்திரத்தையும் புரிந்துகொள்ளாத நடவடிக் கையாகும்.
ஆளுநர் ஓம் பிரகாஷ் மாத்துர் சைவ உணவை விரும்புவது அவரது தனிப் பட்ட விருப்பமாகும். ஆனால் அவரது தனிப்பட்ட உணவுப் பழக்கத்தை ஆளுநர் மாளிகையின் சமையலறை யிலும் கட்டாய மாக பின்பற்ற செய்வது முறையல்ல. ஆளுநர் மாளிகையில் பணியாற்றும் ஊழியர்களின் உணவுப் பழக்கவழக்கங்களும், சமூகப் பின்னணியும் மதிக்கப்பட வேண்டும். ஒருவர் என்ன உணவு சாப்பிட வேண்டும் என்பதை மற்றொருவர் தீர்மானிக்க முடியாது. உணவுத் தேர்வு என்பது தனி நபரின் உரிமையாகும். இவ்வாறு அவர் குறிப்பிட்டுள்ளார்.
