அடுத்து மாதம் தமிழ்நாட்டில் மின்வாரிய ஊழியர்கள்  வேலை நிறுத்தம்!

சென்னை, அக். 09- தமிழ்நாடு மின் ஊழியர் மத்திய அமைப்பு மாநிலத் தலைவர் கண்ணன், பொதுச் செயலாளர் ஜெய்சங்கர், பொருளாளர் வெங்கடேசன் ஆகியோர் நேற்று (8.10.2026) செய்தியாளர்களிடம் கூறியதாவது:-

தமிழ்நாட்டில் 6 பகுதிகளில் ஸ்மார்ட் மீட்டர் பொருத்த ஒப்பந்தப்புள்ளி கோரப்பட்டுள்ளது. ஸ்மார்ட் மீட்டர் திட்டம் அமல்படுத்தப்பட்டால் 200 யூனிட் மின்சாரம், விவசாயத்திற்கு வழங்கப்படும் இலவச மின்சாரம் ரத்து செய்யப்படும். அதேபோல் பயன்படுத்த இருக்கும் மின்சாரத்திற்கும் முன்கூட்டியே பணம் செலுத்த வேண்டிய நிலையும் ஏற்படும். பணம் உள்ளவர்களுக்கே மின்சாரம் என்ற நிலை உருவாகும். இதனை கண்டித்து வருகிற 12, 13 மற்றும் 14 தேதிகளில் செயற்பொறியாளர் அலுவலகம் முன்பும், 15-ஆம் தேதி வட்ட மேற்பார்வை பொறியாளர் அலுவலகங்கள் முன்பும் ஆர்ப்பாட்டம் நடத்தப்படும். வருகிற 22-ஆம் தேதி முதல் 29-ஆம் தேதி வரை மக்கள் சந்திப்பு இயக்கம் நடத்தப்படும். நவம்பர் முதல் வாரத்தில் காலவரையற்ற வேலைநிறுத்தம் செய்ய முடிவு செய்யப்பட்டுள்ளது.

இவ்வாறு அவர்கள் கூறினர்.