கேரள பல்கலைக்கழகக் கல்லூரியில் தமிழ் பேராசிரியர் பணியிடங்கள் குறைப்பு நிறுத்தம் கேரள முதலமைச்சர் உறுதியளிப்பு!

திருவனந்தபுரம், ஜூலை 26 கேரள பல்கலைக்கழகக் கல்லூரியின் தமிழ்த்துறையில் பேராசிரியர் பணியிடங்களை 9-லிருந்து 6-ஆகக் குறைக்கும் வரைவுத் திட்டத்தை கேரள அரசு நிறுத்தி வைத்துள்ளது. கடந்த 9-ஆம் தேதி கேரள உயர்கல்வித் துறை இயக்குநர் வெளியிட்ட பொது இடமாற்ற வரைவு ஆணையில், கல்லூரி தமிழ்த்துறையில் இருந்த 3 பேராசிரியர் பணியிடங்கள் நீக்கப்பட்டிருந்தன. இந்த முடிவுக்கு எதிர்ப்பு தெரிவித்தும், பணியிடங்களைக் குறைக்கக் கூடாது என வலியுறுத்தியும் திருவனந்தபுரம் தமிழ்ச்சங்கம் சார்பில் கேரள முதலமைச்சரிடம் கோரிக்கை மனு அளிக்கப்பட்டது. தமிழ்ச்சங்க நிர்வாகிகள் கேரள முதலமைச்சர், உயர்கல்வித் துறை அமைச்சர் மற்றும் தலைமைச் செயலாளர் ஆகியோரை நேரில் சந்தித்து இது குறித்துப் பேசினர். இந்தச் சந்திப்பைத் தொடர்ந்து, தமிழ் பேராசிரியர் பணியிடங்கள் எக் காரணத்தைக் கொண்டும் குறைக்கப் படாது என்று முதலமைச்சர் உறுதியளித் துள்ளதாக திருவனந்தபுரம் தமிழ்ச்சங்க பொதுச் செயலாளர் வீராணம் சு. முருகன் தெரிவித்துள்ளார்.