டெக்கான் கிரானிக்கல், சென்னை:
* “அதிமுகவை விலைக்கு வாங்கி இருக்கிறது பாஜக” தமிழ்நாட்டின் எதிர்காலத்தை காப்பாற்ற என்டிஏ கூட்டணியை வேரோடு வீழ்த்த வேண்டும்: திருவாரூரில் பிரசாரத்தை தொடங்கி முதலமைச்சர் மு.க.ஸ்டாலின் பரபரப்பு பேச்சு.
* முதலமைச்சர் மு.க.ஸ்டாலின் பயணம் செய்த காரை, தேர்தல் பறக்கும் படை சோதனை. முழு ஒத்துழைப்பு தந்தார் முதல்வர்.
டெக்கான் கிரானிக்கல், அய்தராபாத்:
* மேற்கு வங்க வாக்காளர் பட்டியலில் தங்கள் குடும்பத்தைச் சேர்ந்த நூறு பெயர்களை தேர்தல் ஆணையம் நீக்கியுள்ளதாக மிர்சா மாளிகையில் வசிக்கும் நவாப் குடும்பத்தினர் குற்றச்சாட்டு.
நியூ இந்தியன் எக்ஸ்பிரஸ்:
* ரூபாய் மதிப்பு 14 ஆண்டுகளில் இல்லாத அளவுக்கு மிகப்பெரிய வருடாந்திர வீழ்ச்சியைச் சந்தித்துள்ளது; 2026 நிதியாண்டில் 9.55% மதிப்பை இழந்து 94.83இல் நிலைபெற்றது. தொடர்ந்து இரண்டாவது ஆண்டாக ஆசியாவிலேயே மிக மோசமான செயல்திறன் கொண்ட நாணயமாகவும் மாறியுள்ளது.
* ‘கோயம்புத்தூர் மாவட்டத்தில் முழுமையான வெற்றியைப் பெற திமுக பாடுபடும்’: முன்னாள் அமைச்சர் வி. செந்தில் பாலாஜி. இந்நிலையில், திமுக வெளியிட்டுள்ள தேர்தல் அறிக்கையில், மீண்டும் ஆட்சி அமைத்ததும் தமிழகம் முழுவதும் உள்ள 20 லட்சம் விவசாயிகளுக்கு புதிய மின் மோட்டார் பம்புகள் வழங்கப்படும் என்று அறிவிக்கப்பட்டுள்ளது.
தி இந்து:
* பெண்களுக்கான இடஒதுக்கீட்டை செயல்படுத்த தொகுதி மறுவரையறைக்கு அரசு திட்டமிடுவதால், ‘பிராந்திய ஏற்றத்தாழ்வு’ குறித்து காங்கிரஸ் விமர்சனம். தென் மாநிலங்கள் 66 இடங்களை (129-195) பெறுகின்றன; அதேவேளையில் வட மாநிலங்கள் 200 இடங்களைப் பெறுகின்றன,” என்று காங்கிரஸ் எம்.பி. மாணிக்கம் தாகூர் ‘X’ தளத்தில் பதிவிட்டுள்ளார்.
டைம்ஸ் ஆப் இந்தியா:
* ‘ரூபாய்க்கும் பாஜகவின் பிம்பத்திற்கும் இடையே கடும் வீழ்ச்சி போட்டி’: கீழ்நோக்கி வீழும் இந்தப் போட்டியில், ரூபாய்க்கும் பாஜகவின் பிம்பத்திற்கும் இடையே ஒரு கடும் போட்டி நடைபெற்று வருகிறது,” என்று அகிலேஷ் ‘எக்ஸ்’ தளத்தில் பதிவிட்டுள்ளார்.
– குடந்தை கருணா
