மும்பை, அக். 24- நாடு முழுவதும் நகர்ப்புறங்களை விட ஊரகப் பகுதிகளில் இணைய சேவையை பயன்படுத்துபவர்களின் எண்ணிக்கை அதிகரித்துள்ளதாக தகவல் வெளியாகி உள்ளது.
இன்டர்நெட் அண்டு மொபைல் அசோசியேஷன் ஆப் இண்டியா’ தரவுகளின்படி, இந்தியாவில் நகர்ப்புறங்களை விட, ஊரகப் பகுதிகளில் இன்டர்நெட் சேவையை பயன்படுத்துவோர் எண்ணிக்கை, அதிகமாக உள்ளது. நகர்ப் புறங் களில் தற்போது 39.7 கோடி பேரும், ஊரகங்களில் 48 கோடி பேரும் இன்டர்நெட் சேவையைப் பயன் படுத்துகின்றனர்.
இது வரும் 2030இல், நகர்ப்புறங்களில் 54 கோடியாகவும், ஊரகப்பகுதிகளில் 70 கோடியாகவும் அதிகரிக்கும் என கணிக்கப்பட்டுள்ளது.கடந்தாண் டில் இணைய சேவையைப் பயன்படுத்து வோரின் எண்ணிக்கை 88 கோடியாக இருந்த நிலையில், 2030இல் 120 கோடியாக அதாவது, 35 சதவீதம் அதிகரிக்கும் என தெரிவிக்கப்பட்டுள்ளது. இதே போல் கடந்த 2024 தரவுகளின் படி, இந்தியாவில் திறன் கைபேசி (ஸ்மார்ட் போன்)களைப் பயன்படுத்துவோரின் எண்ணிக்கை, 100 கோடிக்கும் அதிகமாக இருந்த நிலையில், 2030இல் இது, 50 சதவீதம் அதிகரித்து, 150 கோடியாக உயரும் என கணிக்கப்பட்டுள்ளது.
இணைய சேவையைப் பயன்படுத்து பவர்களில், ஆண்களின் எண்ணிக்கை 47 கோடியாகவும், பெண்களின் எண்ணிக்கை 41 கோடியாகவும் உள்ளது. திறன்கைபேசிகளின் பயன்பாடே, இணைய சேவை மக்களிடையே இந்த அளவுக்கு ஊடுருவ காரணம் என, அந்த அறிக்கையில் தெரிவிக்கப்பட்டுள்ளது.
