சென்னை, செப்.19 புதிதாக புழக்கத்தில் உள்ள 54 பிற மொழிச் சொற்களுக்கான தமிழ் வார்த்தை களை தமிழ் வளர்ச் சிக் கழகம் வெளியிட் டுள்ளது. இதுகுறித்து, தமிழ் வளர்ச்சிக் கழகம் வெளியிட்ட செய்திக் குறிப்பு: புதிதாக புழக்கத்துக்கு வரும் ஆங்கிலம் மற்றும் பிறமொழிச் சொற்களுக்கு இணையான தூய தமிழ்ச் சொற்களை உருவாக்கி பொதுமக்களுக்கு வழங் குவதற்காக சொல் புதிது எனும் திட்டம் தொடங்கப்பட்டது. இதன் 5-ஆவது கூட்டம் சென்னையில் 17.9.2025 அன்று நடைபெற்றது.
இதற்கு தமிழ் வளர்ச்சிக் கழகத் தின் தலைவர் ம.ராசேந்திரன் தலைமை வகித்தார். கூட்டத்தில் பேராசிரியர்கள் வ.ஜெயதேவன், சா.சரவணன், பாரதி பாலன் உள்ளிட்டோர் பங்கேற்றனர்.
இந்த கூட்டத்தில் 54 பிறமொழிச் சொற்களுக்கான தமிழ் வார்த்தைகள் முடிவு செய்யப்பட்டன.
அதன்படி, சிசிடிவி கேமரா-கண்காணி, பேட்ஜ்-அடையாள வில்லை, டிஎஸ்எல்ஆர் கேமரா-எதிரொளிப் படக்கருவி. சாம்பியன்-வாகையர், டிரண்டி-புதுப் போக்கு, டிரண்ட்செட்டர் புதுப் போக்கு ஆக்குநர், சிப்-சில்லு, கிரீஸ்-மசகு, பர்ஸ்ட் லுக்-முதல் நோக்கு, க்யூஆர் கோடு- விரைவு வினைக்குறி, ஆம்லேட்-முட்டை அடை, ஆப்பாயில்-முட்டை அப்பம், பிரைடு ரைஸ்-பொரிச் சோறு, ரஸ்க்-உலர்ரொட்டி, கேப்சா-ஆளறி குறி உட்பட 54 பிறமொழி சொற்களுக்கான வார்த்தைகள் வெளியிடப்பட் டுள்ளன. இவ்வாறு அதில் கூறப்பட்டுள்ளது.
