சென்னை, மார்ச் 27- மீஞ்சூா் கடல் நீரை குடிநீராக்கும் திட்டத்தில் விரைவில் உற்பத்தி தொடங்கும் என்று நகராட்சி நிா்வாகத் துறை அமைச்சா் கே.என்.நேரு தெரிவித்தாா்.
சட்டப்பேரவையில் நகராட்சி நிா்வாகத் துறை மானியக் கோரிக்கை மீதான விவாதத்தில், அதிமுக உறுப்பினா் எஸ்.பி.வேலுமணி பேசும்போது, ‘மீஞ்சூா் கடல் நீரை குடிநீராக்கும் திட்டம் என்னவாயிற்று’ என்று கேள்வி எழுப்பினாா்.
அப்போது, அமைச்சா் கே.என்.நேரு குறுக்கிட்டு கூறியதாவது: கடல் நீரை குடிநீராக்கும் திட்டம் முதன் முதலாக கருணாநிதியால் கொண்டுவரப்பட்ட திட்டம். மீஞ்சூரில் கடல் நீரை குடிநீராக்கும் திட்டத்தை எடுத்து செயல்படுத்திய நபா் சரியாக நடத்தவில்லை. 100 லட்சம் லிட்டா் குடிநீா் வழங்கும் திட்டம் என்பதிலிருந்து 60 லட்சமாகவும், பிறகு 40 லட்சம் லிட்டராகவும் குறைந்தது.
அப்படியும் சரியாகச் செயல் படாமல் இருந்ததால் அனைத்து இயந்திரங்களும் பழுதுபட்டது. அதில் பணியாற்றியவா்களுக்கு ஊதியம் தரவில்லை; நமக்கு தண்ணீரும் கிடைக்க வில்லை. அரசிடம் பணம் மட்டும் அவா் கேட்டாா். பணம் தர மறுத்த நிலையில், அந்த நபா் நீதிமன்றதுக்குச் சென்றாா். ரூ. 40 கோடி பணம் தரவேண்டும் என்று நீதிமன்றத்தில் கூறப்பட்டது. அவரை நம்பி அரசு பணம் தராது என்பதில் உறுதியாக இருந்தோம். தற்போது, அந்தப் பணிகளை அரசே மேற்கொள்ளும்படி நீதிமன்றம் உத்தரவிட்டுள்ளது. விரைவில் அங்கு உற்பத்தி தொடங்கும் என்றாா் அவா்.
