கோவையில் ஜாதி வெறியால் மாண்ட மாணவர் அகிலன் இல்லத்திற்குச் சென்று படத்திற்கு தமிழர் தலைவர் மரியாதை

கோயம்புத்தூர் அரசு உதவி பெறும் தனியார் பள்ளியில் படித்து வந்த 11 ஆம் வகுப்பு மாணவர் அகிலன் என்பவர், ஜாதியக் கொடுமையினால் ஏற்பட்ட மன உளைச்சலில் தற்கொலை செய்து கொண்டார். அம்மாணவர் மாட்டுக்கறி சாப்பிடுவதை அறிந்த சில ஆசிரியர்கள் மற்றும் மாணவர்கள் அவரைக் கேலி செய்ததோடு, அம்மாணவரை தனிமைப்படுத்தி உள்ளனர். இச்சம்பவம் தமிழ்நாடு முழுவதும் அதிர்வலைகளை ஏற்படுத்தியது. பீளமேடு பகுதியில் உள்ள அகிலன் இல்லத்திற்கு நேற்று (05.11.2026) காலை திராவிடர் கழகத் தலைவர் ஆசிரியர் கி.வீரமணி, அவர்களின் வாழ்விணையர் மோகனா அம்மையார் மற்றும் கழகத் தோழர்கள் நேரில் சென்று அகிலன் படத்திற்கு வீரவணக்கம் செலுத்தியதோடு, அவரின் பெற்றோருக்கும் ஆறுதல் கூறினர். உடன்: நாகை திருவள்ளுவன், மருத்துவர் இரா.கவுதமன், தஞ்சை இரா. ஜெயக்குமார், சந்திரசேகரன், வழக்குரைஞர் சென்னியப்பன், நாத்திக பொன்முடி உள்ளனர்.