வல்லம், அக். 23- வல்லம், பெரியார் நூற்றாண்டு பாலிடெக்னிக் கல்லூரியின் மிகச் சிறப்பாக செயல்படும் நாட்டு நலப்பணித்திட்டம் வாயிலாக கிராமப்புற மக்களுக்கு சேவை செய்தல், மரக்கன்றுகள் நடுதல், குருதிக் கொடை முகாம் நடத்துதல் போன்ற பணிகள் நடைபெற்று வருகின்றது.
2025-2026ஆம் ஆண்டு தஞ்சாவூர் மாவட்ட அரசு குருதி மய்யங்களுக்கு குருதிக்கொடை முகாம்கள் வாயிலாக குருதி மருத்துவ பயனாளிகளின் வாழ்வை ஒளிரச் செய்ததற்காக வல்லம், பெரியார் நூற்றாண்டு பாலிடெக்னிக் கல்லூரியின் நாட்டு நலப்பணித் திட்டத்தின் செயல்பாடுகளை பெரு மைப்படுத்தும் விதமாக தமிழ்நாடு மாநில குருதிப் பரிமாற்றுச் சங்கமும் மற்றும் தமிழ்நாடு மாநில எய்ட்ஸ் கட்டுப்பாட்டுச் சங்கமும் இணைந்து நடத்திய பாராட்டு விழாவில் தஞ்சாவூர் மாவட்ட ஆட்சியர், பாராட்டுச் சான்றிதழ் மற்றும் நினைவுப் பரிசை வழங்க பெரியார் நூற்றாண்டு பாலிடெக்னிக் கல்லூரியின் நாட்டு நலப்பணித் திட்ட அலு வலர்கள் ஞா.செங்கொடி, ரெ.நடராஜன் மற்றும் பெ.மாதவன் ஆகியோர் பெற்றுக் கொண்டார்கள்.
