கரந்தைக் கலைக்கல்லூரி மாணவர்கள் பெரியார் திடலை பார்வையிட்டனர்!

சென்னை, செப்.26- தஞ்சாவூர் தமிழவேள் உமா மகேசுவரனார் கரந்தைக் கலைக்கல்லூரியின் தமிழ்த்துறை மாணவர்கள் மற்றும் பேராசிரியர்கள் ஜெயராஜ், எழிலரசன், ஜெய்னம்பு பர்வீன், மாணிக்கவதி ஆகியோர், சென்னை பெரியார் திடலுக்கு வந்திருந்து, ‘விடுதலை’ நாளிதழ் அலுவலகம், விடுதலை அச்சுக்கூடம், பெரியார் அருங்காட்சியகம், பெரியார் பகுத்தறிவு நூலகம் மற்றும் ஆய்வு மய்யம், பெரியார் சுயமரியாதைத் திருமண நிலையம், பெரியார் நினைவிடம் ஆகியவற்றை பார்வையிட்டனர்.
திராவிடர் கழகத்தின் துணைத் தலைவர் கவிஞர் கலி.பூங்குன்றன் விடுதலை நாளிதழின் வரலாற்றையும், துணைப் பொதுச்செயலாளர் ச.பிரின்சு என்னாரெசு பெரியார் விடுதலை அச்சகத்தின் வரலாறு குறித்தும், ஊடகவியலாளர் முரளிகிருஷ்ணன் சின்னத்துரை அச்சுத் துறையில் இருக்கும் சவால்கள் குறித்தும், சுயமரியாதைத் திருமணங்கள் – அதன் வரலாறு குறித்தும் பசும்பொன்னும், இசையின்பனும் மாணவர்களிடம் கலந்துரையாடினர். (23.09.2026)