ஆலந்தூர், செப். 25- சென்னை மேடவாக்கம் பிள்ளை யார் கோயில் தெரு வில் உள்ள நல்ல தண்ணீர் குளத்தை தொண்டு நிறுவனம் ஒன்று கடந்த 10 நாள்களாக தூர் வாரி சீரமைக்கும் பணியில் ஈடுபட்டு வருகிறது.
நேற்று (24.9.2026) காலை தன்னார்வலர்கள் குளத்தை சீரமைக்கும் பணியில் ஈடுபட் டிருந்த போது, பழமையான கல்வெட்டு ஒன்று கண்டெடுக்கப்பட்டது. அந்த கல்வெட்டில் பழங்கால எழுத்துகள் பொறிக்கப்பட்டிருந்தன.
இந்த வகை எழுத்துகள் கி.பி. 5-ஆம் நூற்றாண்டு முதல் 11-ஆம் நூற்றாண்டு வரையிலான கால கட்டத் தில் தமிழ் நாட்டில் பயன்படுத்தப்பட்ட நடுகற்கள், கல்வெட்டுகள் மற்றும் செப்பேடுகளில் இடம் பெற்றிருந்த தாக வரலாற்று ஆய்வாளர்கள் தெரிவிக்கின்றனர்.
கல்வெட்டின் காலம், எழுத்து மற்றும் வரலாற்றுப் பின்னணி குறித்து விரிவாக ஆய்வு செய்வதற்காக, இதனை தொல்லியல் துறையினரிடம் ஒப்படைக்க உள்ளதாக தொண்டு நிறுவனத்தினர் தெரிவித்தனர்.
