தந்தை பெரியாரின் பிறந்த நாளை முன்னிட்டு விழிக்கொடை உறுதிப்படிவம் வழங்கிய குமரி மாவட்ட கழகத் தோழர்கள்

அறிவுலகப் பேராசான் பகுத்தறிவுப் பகலவன் தந்தை பெரியாரின் 148ஆம் பிறந்த நாளை முன்னிட்டு குமரி மாவட்ட கழகக் தோழர்கள் நாகர்கோவில் கண் மருத்துவமனையில் டாக்டர் பெஜான் சிங் அவர்களிடம் விழிக்கொடை செய்ததற்கான படிவத்தினை நிரப்பிக் கொடுத்தனர். மாவட்ட கழகத் தலைவர் மா.மு.சுப்பிரமணியம் தலைமை தாங்க மாவட்ட கழகச் செயலாளர் கோ. வெற்றிவேந்தன் விழிக்கொடை வழங்கும் நிகழ்ச்சியினை தொடங்கி வைத்தார். கழகக் காப்பாளர் ம.தயாளன், தோவாளை ஒன்றிய தலைவர் ஞா.பிரான்சிஸ், பகுத்தறிவாளர் கழக மாவட்டச் செயலாளர் பெரியார் தாஸ், தொழிலாளர் அணி செயலாளர் க.யுவான்ஸ், கழகத் தோழர் தி.ஞானவேல், திமுக தோழர் இராஜேஷ், ரத்தினமணி மற்றும் பலர் நிகழ்ச்சியில் கலந்து கொண்டனர். விழிக்கொடை செய்த தோழர்களுக்கு மருத்துவமனை நிர்வாகத்தினர் சான்றிதழ் வழங்கி பாராட்டினர்.