மேலூர், செப். 22- மதுரை மாவட்டம், கொட்டாம்பட்டி அருகே அய்யாபட்டி ஊராட்சிக்குட்பட்ட மலம்பட்டி பகுதியில் உள்ள கரும்பாறைகளில் கடந்த சில நாட்களாக இந்திய புவியியல் துறை ஆய்வு நிறுவனத்தை சேர்ந்த குழுவினர் ஆய்வு மேற்கொண்டு வருகின்றனர்.
இதுகுறித்து கிராம மக்கள், சம்பந்தப்பட்ட குழுவினரிடம் கேட்ட போது, கொட்டாம்பட்டி, மேலூர், சிங்கம்புணரி, பொன்னமராவதி, திருப்பத்தூர், திருமயம் உள்ளிட்ட பரந்த பகுதிகளில் ஆய்வுகள் மேற்கொள்ள ஒன்றிய அரசு உத்தரவிட்டுள்ளதாக தெரிவித்துள்ளனர்.
இந்த ஆய்வுக்கு கிராம மக்கள் எதிர்ப்பு தெரிவித்து கனிம வளத்துறை அமைச்சர் டி.கே.பிரபுவிடம் தகவல் தெரிவித்துள்ளனர். மேலும் இப்பகுதியில் டங்ஸ்டன் ஆய்வு மீண்டும் கையில் எடுக்கப்படுகிறதா என கிராம மக்கள் அச்சமடைந்துள்ளனர்.
